Bolš za 91 tysiaču biełarusaŭ majuć dakumienty na prava znachodžańnia ŭ Polščy
Dakumienty, jakija dajuć prava žyć u Polščy, pa stanie na 30 červienia mieli 91 054 hramadzianina Biełarusi, paviedamlaje Centr biełaruskaj salidarnaści na padstavie adkazu, dadzienaha na zapyt CBS Upraŭleńniem spraŭ inšaziemcaŭ.
Pavodle źviestak upraŭleńnia, 35 749 hramadzian Biełarusi majuć pastajanny dazvoł na žycharstva, 48 063 — časovy dazvoł na žycharstva, 5 231 hramadzianin atrymaŭ dadatkovuju abaronu, 1 022 biełarusy majuć dazvoł na znachodžańnie doŭhaterminovaha rezidenta ES, 445 atrymali časovuju abaronu, 463 — status biežanca. Jašče 81 čałaviek maje inšyja padstavy dla pražyvańnia ŭ Polščy.
U 2023 hodzie biełarusy atrymali 48 tys. DNŽ, u tym liku 3757 «humanitarnych».
Bolš za ŭsio biełarusaŭ padali zajavy na DNŽ u Mazavieckim vajavodstvie — 16 207, na druhim miescy — Padlaskaje (7036), a na trecim — Pamorskaje (4979). Mienš za ŭsio zajaŭ ad biełarusaŭ było padadziena ŭ Silezskim vajavodstvie — 1277.
U Centry biełaruskaj salidarnaści adznačajuć, što, «pavodle niefarmalnych acenak polskich dziaržaŭnych orhanaŭ, u Polščy na hety momant moža znachodzicca bolš za 300 tysiač hramadzian Biełarusi».
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
>3% ad kolkaści nasielnictva Biełarusi