Stała viadomaja pryčyna raptoŭnaha zvalnieńnia ministra zamiežnych spraŭ Kitaja
Vydańnie The Wall Street Journal 19 vieraśnia rastłumačyła niečakanuju adstaŭku ministra zamiežnych spraŭ Kitaja, jakaja zdaryłasia ŭ lipieni hetaha hoda.
Pa danych haziety, jakaja spasyłajecca na daśviedčanyja krynicy, unutranaja pravierka, praviedzienaja adpaviednymi orhanami Kamunistyčnaj partyi Kitaja, vyjaviła, što Cyń Han, znachodziačysia jašče na pasadzie nadzvyčajnaha i paŭnamocnaha ambasadara KNR u ZŠA, zavioŭ tam pazašlubnuju suviaź i navat staŭ baćkam. Jak paviedamlajecca, infarmacyja ab vynikach pravierki była daviedziena jašče ŭ žniŭni da najvyšejšych słužbovych asob krainy, u tym liku ministraŭ i kiraŭnikoŭ pravincyj, pierakazvaje vydańnie «Kommiersant».
Imia siabroŭki eks-ministra i ich syna nie byli raskrytyja. Zatoje było abvieščana, što rasśledavańnie ŭ dačynieńni da byłoha ministra praciahvajecca pry poŭnym jaho sadziejničańni. Ciapier vyśviatlajecca, ci nie naniesła pazašlubnaja suviaź abo inšyja dziejańni byłoha ministra škodu nacyjanalnaj biaśpiecy.
Cyń Han, jaki ličyŭsia asabistym prateže kitajskaha lidara Si Czińpina, źnik z publičnaj prastory ŭ kancy červienia. Z-za hetaha šerah jaho kaleh, u tym liku brytanski ministr zamiežnych spraŭ Džejms Klevierli, byli vymušany admianić abo pieranieści svaje aficyjnyja vizity ŭ Piekin.
Ministerstva zamiežnych spraŭ Kitaja albo tłumačyła adsutnaść ministra prablemami sa zdaroŭjem, albo zusim admoŭčvałasia.
Z taho času ŭ Kitai źnikli jašče niekalki vysokapastaŭlenych dziejačaŭ, uklučajučy kamandujučaha rakietnymi vojskami i jaho namieśnika. Paźniej było abvieščana ab ich zvalnieńni.
Užo ŭ hetym miesiacy źnik ministr abarony krainy Li Šanfu. Ekśpierty pa Kitai, zrešty, źviazvajuć heta nie z prablemami asabistaha žyćcia źnikłych, a z kampanijaj pa baraćbie z karupcyjaj, jakaja razharnułasia ŭ Narodna-vyzvalenčym vojsku Kitaja.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary