«Jeŭraradyjo» i Malanka Media chočuć stvaryć novy niezaležny telekanał
«Jeŭraradyjo» i Malanka Media płanujuć stvaryć novy telekanał z pracoŭnaj nazvaj Belarus today. Jak patłumačyŭ u kamientary «Biełsatu» zasnavalnik Malanka Media Pavał Marynič, «u biełaruskim miedyjapoli na siońniašni dzień nie staje videa– i teleprajektaŭ, što i stała nahodaj dla idei stvaryć jašče adzin telekanał».
«Adziny niezaležny teleprajekt siońnia — heta polski prajekt «Biełsat», polskaha ŭrada. A biełaruskaha takoha, jaki byŭ by zasnavany biełarusami, niama», — kaža kiraŭnik «Małanki».
Pra detali budučaha telekanała Pavieł Marynič na ciapierašnim etapie raspaviadać admoviŭsia, bo ničoha kankretnaha jašče niama, prajekt pakul, kaža jon, isnuje tolki na ŭzroŭni płanaŭ i abmierkavańniaŭ.
«Nie mahu ničoha raspavieści, bo jašče ničoha nie zroblena. I kali i jość niejkija płany, to jany jašče abmiarkoŭvajucca. Heta našaja mara — usio, što mahu skazać. I vialikaje žadańnie zrabić hramadskaje telebačańnie. Takoje, jak «Suśpilnie» va Ukrainie», — zaznačyŭ miedyjamieniedžar.
Peŭny čas tamu Pavieł Marynič kazaŭ pra płany stvaryć biełaruskaje infarmahienctva. Praca nad im idzie, zapeŭnivaje kiraŭnik Malanka Media.
«My robim jaho. Ale heta nie niešta, što ŭ adnu chvilinu robicca, heta praca, jakaja doŭhi čas robicca. Ničoha nie byvaje adrazu. Kab mieć infarmahienctva, patrebnyja žurnalisty ŭnutry krainy, patrebnaja baza», — kaža Marynič.
Nahavory i stukactva, pakaznaja łajalnaść, kvaterniki i mižsabojčyki. Apublikavany vyniki apytanki dziejačaŭ kultury ŭnutry Biełarusi
«Prynižaŭ razumovyja zdolnaści studentak». Čamu ŭ Vilni sa skandałam admianili vystavu biełaruskaha mastaka
«Ekstremisckuju litaraturu» składajem asobna». U biblijatekach rychtujucca da adkryćcia śpiecchranaŭ
Kamientary