Ježa22

Japonski čaj matča (macia): čym jon karysny i jak hatavać

Kali vy stamilisia ad kavy, ale chočacie badzioraści, hety varyjant moža vam spadabacca. Na što źviartać uvahu pry vybary čaju matča?

matcha tea
Fota: Freepik.com

U jaho tonki vodar zialonaha čaju, trochi harkavaty traviany smak i pryjemny śvietła-zialony koler. Hety napoj daje zarad badzioraści, ale robić heta nie imhnienna, jak kava, a trochi pavolniej. Da taho ž jon nie vyklikaje prystupaŭ sercabićcia i tryvožnaści, a, naadvarot, dziejničaje zaspakajalna, ale pry hetym pavyšaje kancentracyju.

Matču vyrablajuć ź liścia kustoŭ, admysłova zacienienych cynoŭkami, — hetaja technałohija adroźnivajecca ad vyroščvańnia vidaŭ čaju, pryznačanych dla vytvorčaści, naprykład, ad čaju sienča, jaki raście pad adkrytymi pramianiami sonca. Minimum za dva-try tydni da zboru ŭradžaju kusty chavajuć ad sonca, što zapavolvaje ich rost. Liście stanovicca bledna-zialonym i vyrablaje aminakisłoty, jakija robiać harbatu bolš sałodkaj i duchmianaj. Sabranaje liście sušać, a zatym zdrabniajuć u parašok.

U Japonii lekavaje vykarystańnie matčy ŭklučajuć u prahramu prafiłaktyki atłuścieńnia i lačeńnia skurnych zachvorvańniaŭ. Hrupa japonskich navukoŭcaŭ dakazała, što matča taksama stanoŭča ŭpłyvaje na tryvožnyja stany.

Na što źviartać uvahu pry vybary matčy?

Parašok pavinien być jarka-zialonaha koleru. Ćmianaje adcieńnie moža być prykmietaj nizkaj jakaści praduktu. Pačak harbaty musić być nieprazrysty i pavietraniepranikalny, kab paźbiehnuć traplańnia pramych soniečnych pramianioŭ, lišniaha pavietra i vilhaci. Vysakajakasny čaj matča nie harčyć i nie viaža. Horyč taksama moža źjavicca z-za niapravilnaha sposabu zachoŭvańnia, tamu źviarnicie ŭvahu na parady pa hatavańni.

matcha tea in cup and bamboo whisk on the table

U tradycyjnych rytuałach matča hatujecca z dapamohaj troch pradmietaŭ — śpiecyjalnaha kieramičnaha kubka (čavan), bambukavaj kałatoŭki dla ŭźbivańnia (časen) i bambukavaj łyžki (ciasaku). Fota: Pixabay

 Jak zrabić matču biez małaka

  • čaj matča — 2 h
  • vada — 80 mł
  • bambukavaja kałatoŭka abo elektryčny kapučynatar
  • sita

Jak hatavać:

  1. Prasiejcie parašok matčy ŭ kubak, vykarystoŭvajučy sita, kab raźbić vialikija kamiaki harbaty.
  2. Dadajcie haračuju vadu (75-85 hradusaŭ) da parašku, pastupova pamiešvajučy.
  3. Uźbivajcie čaj na praciahu troch chvilin W-padobnymi ruchami kałatoŭkaj ci kapučynataram da źjaŭleńnia hustoj pieny.

Jak zrabić matču-łate na raślinnym małace

  • čaj matča — 1 č.ł., abo 3 h
  • vada — 80 mł
  • mindalnaje małako — 150 h
  • sita

Jak hatavać:

  1. Dadajcie parašok matčy ŭ kubak, prasiejvajučy praź sita, kab rastreści vialikija kamiaki čaju.
  2. Dadajcie haračuju vadu (80 hradusaŭ) da parašku, pastupova pamiešvajučy kałatoŭkaj (možna ŭźbić kapučynataram). Uźbivajcie čaj na praciahu troch chvilin da źjaŭleńnia hustoj pieny.
  3. Padahrejcie małako, ale nie davodźcie da kipieńnia. Uźbicie z dapamohaj blendara ci kapučynatara da źjaŭleńnia pieny.
  4. Tonkim strumieńčykam ulicie haračaje małako ŭ harbatu.

Važna pić matču-łate adrazu paśla hatavańnia, kab parašok nie asiadaŭ na dno kubka i napoj nie traciŭ smaku.

 

Kamientary2

  • Andruś
    01.10.2023
    Vžie nie maje sieči trivati ci piekielni borošna.
    Picie maču! ))
  • šo-šo?
    01.10.2023
    maču?
    doktor małachov załohińtieś)

Ciapier čytajuć

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy9

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Usie naviny →
Usie naviny

«Mała što ŭ internecie pišuć». Vykładčyk, jakoha abvinavacili ŭ damahańniach, praciahnie pracavać u ansambli «Biełaja Ruś»15

Jak miedsiastra z Barysava adpačyvaje amal biez hrošaj5

Tajvań choča adarvać svaju ekanomiku ad Kitaja. Nakolki heta realna?2

Pravaabaroncy: Siłaviki masava zatrymlivajuć biełarusaŭ, što trapili ŭ kadry dakumientalnaha filmu pra pratesty11

«My pracujem, kab vyzvaleńni stali sistemnymi, a nie sparadyčnymi». Viačorka adkazaŭ Kraŭcovu13

Biełaruskija školniki stvaryli dziciačy błakpost na miažy z Ukrainaj. U ich savieckija našyŭki i miedal «udzielnika SVA»58

Paŭtorna aryštavali adnaho z pačynalnikaŭ biełaruskamoŭnaha ŽŽ Ivana Marozava. Jon vyzvaliŭsia z kałonii viasnoj 2024

Vychavany i zakonapasłuchmiany hołub pierajšoŭ darohu na zialonaje śviatło VIDEA6

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?35

bolš čytanych navin
bolš łajkanych navin

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy9

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Hałoŭnaje
Usie naviny →

Zaŭvaha:

 

 

 

 

Zakryć Paviedamić