U mierkavanaj rezidencyi Łukašenki ŭ centry Minska zarehistravany «Fond Pieršaha»
Miniust Biełarusi zarehistravaŭ «Fond Pieršaha Prezidenta Respubliki Biełaruś «Fond Pieršaha». Na zapis u Adzinym dziaržaŭnym rehistry jurydyčnych asob i IP źviarnuŭ uvahu juryst Juryj Čavusaŭ.
Fond zarehistravany 25 kastryčnika 2022 hoda rašeńniem № 54 pa adrasie: Minsk, vulica Čyrvonaarmiejskaja, 15. Mienavita tam znachodzicca zahadkavaja novaja rezidencyja sa spa-centram, basiejnam, kanfierenc-załaj, rabočym kabinietam i spalniaj, paviedamlaje Reform.by.
Vydańnie atrymała padrabiaznuju vypisku z rehistra, ale jasnaści, što heta za fond, bolš nie stała. U vypiscy niama nijakich kantaktnych danych abo infarmacyi ab zasnavalnikach fondu. Jość tolki infarmacyja ab viedamasnaj padparadkavanaści — «inšyja jurydyčnyja asoby bieź viedamasnaj padparadkavanaści». U jakaści formy ŭłasnaści paznačana «majomaść niedziaržaŭnych jurydyčnych asob bieź dziaržaŭnaha i zamiežnaha ŭdziełu».
Dakumientacyju na novy abjekt u svajo rasparadžeńnie atrymali byłyja siłaviki z «Biełpoł». Pa infarmacyi «Našaj Nivy», taja rezidencyja płanavałasia pad staršyniu Usiebiełaruskaha narodnaha schodu.
Łukašenka 21 vieraśnia byŭ vymušany asabista kamientavać infarmacyju ab novaj rezidencyi. Jon zajaviŭ, što vyrašyŭ sabrać pad adzin dach usie fondy, jakija ŭłady zakryli.
Ciapier čytajuć
Cichanoŭskaja jedzie ŭ Ńju-Jork. Jana moža pierasiekčysia z pradstaŭnikami Łukašenki, ale hałoŭnuju intryhu pakul nie raskryvajuć21
Kamientary