Užo try tydni ŭ zakrytym režymie praciahvajecca sud nad muzykami Tor Band. Im pahražaje da 12 hadoŭ kałonii
Palitźniavolenych muzykaŭ viadomaha biełaruskaha hurta Tor Band Jaŭhiena Burło, Dźmitryja Hałavača i Andreja Jaremčyka zatrymali 28 kastryčnika 2022 hoda. Spačatku im niekalki razoŭ zapar pryznačali 15 sutak aryštu za ŭdzieł u zdymkach klipaŭ, a zatym pieraviali ŭ SIZA, paviedamlaje «Viasna».
Homielski abłasny sud pačaŭ razhladać spravu palitviaźniaŭ 14 vieraśnia ŭ zakrytym režymie. Praces viadzie sudździa Siarhiej Sałoŭski. Pra padrabiaznaści spravy i sutnaść abvinavačańnia ničoha nie viadoma.
U zaležnaści ad roli kožnaha ich abvinavačvajuć pavodle 4 kryminalnych artykułaŭ:
- č. 3 art. 130 KK (raspalvańnie inšaj sacyjalnaj varožaści);
č. 1 i č. 3 art. 361-1 KK (stvareńnie ekstremisckaha farmavańnia abo ŭdzieł u im); - art. 369-1 KK (dyskredytacyja Respubliki Biełaruś);
- art. 368 KK (abraza Łukašenki).
Padtrymajcie muzykaŭ: SIZA-3. 246003, Homiel, Knižnaja, 1A, Jaŭhien Valerjevič Burło, Dźmitryj Valerjevič Hałavač, Andrej Kanstancinavič Jaremčyk
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary