Na miažy z Polščaj pastavili rekłamnyja płakaty — palakaŭ chočuć zavabić u Biełaruś tannaj stamatałohijaj FOTY
Kala punkta propusku «Brest — Tarespal» źjavilisia rekłamnyja ščyty z nadpisami pa-polsku i pa-anhielsku.
Foty tut i dalej: telehram-kanał «Briest. Hłavnoje!»
Na płakatach rekłamujuć kafe, kaśmietyku, stamatałahičnyja i hiniekałahičnyja pasłuhi. Foty apublikavaŭ telehram-kanał «Briest. Hłavnoje!».
«Našy ceny bolš pryvabnyja za vašy», — pišacca na płakatach.
«U biełaruskich klinikach zaŭsiody možna znajści šerah pasłuh z haliny akušerstva i hiniekałohii», — napisana pa-polsku kala pamiežnaha punkta propusku.
«Biełaruskija stamatałahičnyja kabiniety pakłapociacca pra vašu biełaśniežnuju ŭśmiešku», «Daviercie biełaruskaj kaśmietycy svaju pryhažość i adčujcie siabie ŭpeŭniena i pryhoža», — pierakonvajuć płakaty.
Kamientary