Jak prajšła Radaŭnica ŭ vioskach, zakinutych paśla čarnobylskaj katastrofy FOTY
Šmat hadoŭ zapar KPP Paleskaha dziaržaŭnaha radyjacyjna-ekałahičnaha zapaviednika adkryvajecca na niekalki dzion u pieryjad Radaŭnicy. Tudy źjazdžajucca svajaki pamierłych žycharoŭ viosak, adsielenych paśla čarnobylskaj katastrofy, kab ušanavać ich pamiać i pryvieści ŭ paradak mahiły. Niekatoryja paśla prybirańnia naviedvajuć niekali rodnyja miaściny: damy, škołu, jakija ciapier zakinutyja. Padrabiaznaści — u fotarepartažy fatohrafa vydańnia «Anłajnier» Viktara Dračova.
Biesprapuskny režym u hetyja dni dziejničaje z vośmaj ranicy da piataj viečara. A pałovie dziaviataj ranicy ŭ pieršaj ad KPP vioscy Drońki ŭžo sabrałasia kala dziasiatka mašyn. Pry hetym mnohija adznačajuć: z hoda ŭ hod kolkaść «haściej» u zapaviedniku źmianšajecca: niechta nie moža prajści taki šlach z-za ŭzrostu abo chvarobaŭ.
Ale tyja, chto ŭsio ž dabraŭsia da zapaviednika, adrazu prystupajuć da prybirańnia mohiłak ad letašniaha liścia, padfarboŭvajuć aharodžy. Byłyja žychary vioski Drońki Taćciana Ciščanka (na fota ŭ sinim palito) i jaje ŭnuk Kirył zazirnuli ŭ svaju byłuju chatu, choć nazvać jaje reštki chataj davoli ciažka.
Natalla Kuprejčyk sa svajoj dačkoj Julaj nie tolki pakazała karespandentam svajo byłoje žyllo, ale navat znajšła ŭ im niekalki fotazdymkaŭ svajho dziacinstva — vialikaja ŭdača, što ad ich jašče niešta zastałosia.
Paśla taho žurnalisty pierajechali ŭ viosku Aravičy. Tam ekskursiju pa miascovaj siaredniaj škole pravodzić jaje byłaja vučanica Hanna Navumienka. Hanna ŭspaminaje: pijanierski atrad, u jakim jana była, nasiŭ imia pieršaj savieckaj žančyny-kasmanaŭtki Valanciny Cieraškovaj.
A voś vioska Krasnasielle: na «ziamli» možna sustreć statak koniej, jakich šmat hadoŭ razvodziać navukoŭcy zapaviednika, a «ź nieba» — dakładniej, z naziralnaj vyški — ubačyć sarkafah čaćviortaha błoka Čarnobylskaj AES. Mienavita tam u 1986 hodzie prahrymieŭ strašny vybuch.
«Ježa na mohiłkach — tak było zaŭsiody». Historyk pra tradycyi paminalnaha stała ŭ biełarusaŭ
U Baranavickim rajonie pierad staradaŭniaj carkvoj śpiłavali drevy. Žychary aburanyja
Na Radaŭnicu mohiłki ŭ adsielenych čarnobylskich vioskach možna naviedvać biez propusku
Vałačobnictva i pakłanieńnie kamiennym kryžam: jakija vielikodnyja tradycyi zachoŭvajuć biełarusy
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
[Zredahavana]