Paśla admovy Hiermanii ad rasijskaj nafty Kazachstan staŭ dla jaje adnym z najvažniejšych alternatyŭnych pastaŭščykoŭ.
Uładzimir Pucin moža nanieści novy ŭdar pa enierhazabieśpiačeńni Hiermanii. Pavodle insajdarskaj infarmacyi, Rasija maje namier z 1 maja spynić tranzit kazachstanskaj nafty pa naftapravodzie «Družba» — klučavoj naftavaj arteryi ŭschodnich rehijonaŭ FRH. Hiermanija i Kazachstan užo prainfarmavanyja pra hetaje rašeńnie, piša Bild.
Dahetul kazachstanskaja nafta ŭ vialikich abjomach pastupaje praz rasijskuju terytoryju ŭ Hiermaniju — najpierš na naftapierapracoŭčy zavod PCK u Šviedcie (fiederalnaja ziamla Brandenburh). Adtul značnaja častka rehijona zabiaśpiečvajecca bienzinam, dyzielem i mazutam. U 2025 hodzie pa hetym maršrucie Hiermanija atrymała bolš za 2,1 miljona ton nafty — na 44% bolš u paraŭnańni z papiarednim hodam.
Paśla admovy Hiermanii ad rasijskaj nafty Kazachstan staŭ dla jaje adnym z najvažniejšych alternatyŭnych pastaŭščykoŭ.
Aficyjna Maskva robić vyhlad, što ničoha nie viedaje: pres-sakratar Kramla Dźmitryj Piaskoŭ zajaviŭ, što jamu nie viadoma pra płany spynić tranzit kazachstanskaj nafty: «My pasprabujem heta pravieryć». Rasijskaje ministerstva enierhietyki ŭvohule nie adreahavała.
Kali Rasija sapraŭdy spynić tranzit, heta stanie surjoznaj prablemaj dla Hiermanii. NPZ u Šviedcie ŭžo šukaje rašeńnie. Pradstaŭnik Rosneft Deutschland zajaviŭ: «My pavinny pravieryć, jak pry nieabchodnaści zabiaśpiečyć alternatyŭnyja pastaŭki, kab PCK moh praciahvać pracavać na poŭnuju mahutnaść. […] Heta nie biezvychodnaja situacyja».
Adnak užo ciapier jasna adno: kali kazachstanskaja nafta pierastanie pastupać pa naftapravodzie «Družba», zabieśpiačeńnie Hiermanii enierharesursami stanie bolš składanym i darahim.
Kamientary
Pracuje ŭ pary z Ukrainaj, jana pierakryła Hiermanii haz, Rasieja choča pierakryć naftu.