Pasły ES zaćvierdzili kredyt Ukrainie na 90 miljardaŭ jeŭra i 20‑y pakiet sankcyj suprać Rasii
Krainy Jeŭrasajuza pryjšli da zhody pa dvuch stratehičnych pytańniach, jakija praciahły čas zastavalisia zabłakavanymi. Jak paviedamiŭ redaktar «Radyjo Svaboda» pa pytańniach Jeŭropy Rykard Joźviak, dypłamaty dali zialonaje śviatło vydzialeńniu Ukrainie kredytu sumaj 90 miljardaŭ jeŭra i zaćvierdzili 20‑y pakiet sankcyj u dačynieńni da Rasii.
Praryŭ u pieramovach adbyŭsia paśla vyrašeńnia enierhietyčnaha kanfliktu. Raniej Vienhryja i Słavakija błakavali hetyja inicyjatyvy, źviazvajučy svaju pazicyju z prypynieńniem tranzitu nafty pa trubapravodzie «Družba». Pastaŭki paliva spynilisia z-za paškodžańnia ŭčastka mahistrali na terytoryi Ukrainy ŭ vyniku rasijskaha ŭdaru.
21 krasavika ŭkrainski bok zajaviŭ ab paśpiachovym zaviaršeńni ramontu. Pierapampoŭka nafty adnaviłasia siońnia, a pieršyja pastaŭki ŭ Słavakiju i Vienhryju čakajucca 23 krasavika.
Kamientary
[Zredahavana]