U Biełastoku projdzie prezientacyja knihi «Historyja Biełarusi ad siaredziny XVIII stahodździa i da našaha času»
27 krasavika ŭ Biełastoku projdzie prezientacyja knihi «Historyja Biełarusi ad siaredziny XVIII stahodździa i da našaha času» z udziełam adnaho ź jaje aŭtaraŭ Aleha Łatyšonka.
Aleh Łatyšonak — viadomy historyk, prafiesar Biełastockaha ŭniviersiteta. Aŭtar papularnych histaryčnych i publicystyčnych prac «Žaŭniery BNR», «Nacyjanalnaść — biełarus», «Biełastok — Połacak», a taksama manahrafij pra minułuju i sučasnuju hieapalityku Centralna-Uschodniaj Jeŭropy.
Heta sintetyčny narys historyi Biełarusi apošnich 275 hadoŭ. Kidajecca ŭ vočy adsutnaść zvyčajnaj dla aficyjnaj biełaruskaj histaryjahrafii prarasijskaj pierśpiektyvy. U pryvatnaści, uciahvańnie Biełarusi ŭ rasijskuju kulturnuju i hieapalityčnuju arbitu paśla raździełaŭ Rečy Paspalitaj razhladajecca z punktu hledžańnia addaleńnia ad jeŭrapiejskich kulturnych i palityčnych ideałaŭ.
U adroźnieńnie ad kaleh u Respublicy Biełarusi, dla biełastockich historykaŭ niama zabaronienych abo niepažadanych temaŭ. Tamu havorka tut idzie i pra paŭnamaštabnuju rusifikacyju Biełarusi ŭ składzie SSSR, i pra sproby nacyjanalnaha žyćcia ŭ Biełarusi pad niamieckaj akupacyjaj, i pra pytańnie palityčnaj lehitymaści Alaksandra Łukašenki. Naracyja daviedziena da vybaraŭ 2020 hoda ź ich asnoŭnymi dziejnymi asobami, u tym liku aśviatlajecca vybarčaja kampanija Viktara Babaryki i inšych apazicyjnych palitykaŭ.
Z knihi možna daviedacca:
- pra Biełaruś u siaredzinie ChVIII stahodździa (krainu i ludziej, sacyjalnuju strukturu, haspadarku i bolš pra epochu rańniaha Aśvietnictva).
- pra kulturu Biełarusi ŭ XIX stahodździ, a taksama pra jaje palityčnaje i intelektualnaje žyćcio.
- pra toje, jak uźnik i raźvivaŭsia biełaruski nacyjanalny ruch.
- pra stalinski hienacyd biełarusaŭ.
- pra biełaruskaje nacyjanalnaje žyćcio ŭ Polščy.
- pra dziejnaść BNF i pra charaktar prezidenctva Łukašenki.
- pra źniešniuju palityku Biełarusi paśla atrymańnia niezaležnaści.
Data praviadzieńnia prezientacyi: 27 krasavika 2026 hoda (paniadziełak), 19:00—20:30 (CET).
Adras: Biełastok, «Susiedski dom», ul. Sienkiewicza 82, -1 pavierch.
Prezentacyja pravodzicca pry padtrymcy prahramy Jeŭrapiejskaha sajuza EU4Belarus: Support to Advanced Learning and Training (SALT II).
Historyk Aleh Łatyšonak pra emihrantaŭ novaj chvali: «Havorać pa-rasijsku ŭ situacyi, kali maskal topča Biełaruś! Prosta žach!»
«Nikoli my nie byli bratami». Aleh Łatyšonak raskazaŭ pra toje, što abjadnoŭvaje i padzialaje palakaŭ i biełarusaŭ
Dziakujučy revalucyi 2020 hoda ŭ Biełarusi niama vajny — Łatyšonak
Śćviardžeńnie, što «VKL — heta była Biełaruś», falš — historyk Łatyšonak
«Lepiej by ŭžo car byŭ, čym balšavickaja revalucyja! Rasija raźvivałasia b u jeŭrapiejskim napramku» — Łatyšonak
Kamientary
"Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim
Niahledziačy na niaspynnyja sproby prarasijskich sił vykraślić pieryjad VKL ź biełaruskaha naratyvu, mienavita jaho ličyć pačatkam biełaruskaj dziaržaŭnaści najbolšaja dola biełarusaŭ. I čym maładziejšaje pakaleńnie, tym heta adbyvajecca najčaściej. Pieryjad pasejskaj Impieryi pačatkam biełaruskaj dziaržaŭnaści nie ličyć amal nichto."
-NN
i Biełaruski Stradub i Smalensk zaŭsiody byli miežami Eŭropy (reniesans, baroka, rieframacyja i f.d) i azii.