Što rabić, kali doma źjaviŭsia pach ryby, ale vy nie hatavali niadaŭna rybnych straŭ
Mahčyma, vam varta pravieryć elektryku.
Historyjaj, jakaja na pieršy pohlad zdajecca drabiazoj, padzialiłasia ŭ tyktoku błohierka Kłaŭdyja Andersan. Žančyna raskazała, što jana i jaje muž stali zaŭvažać dziŭnavaty pach ryby ŭ spalni. Para staranna prybrałasia ŭ pakoi i sanvuźle pobač ź im, navat razabrali kanalizacyjny źliŭ, ale smurod tolki stanaviŭsia macniejšym. Niekalki tydniaŭ Kłaŭdyja z mužam biezvynikova zmahalisia z prablemaj, ale saromielisia kamuści raskazać pra jaje, bo situacyja im zdavałasia drabiazoj.
U niejki momant žančyna vyrašyła prosta pašukać u internecie, z čym moža być źviazany dziŭny pach. Adkaz jaje šakavaŭ: rybny pach moža śviedčyć ab prablemach z elektrykaj, tamu varta nieadkładna vyklikać śpiecyjalista. Hetak para i zrabiła.
Jak vyjaviłasia, u adnoj z razietak adyšoŭ drot i pačaŭ płavić płastyk. Śpiecyjalisty adznačajuć, što heta nadzvyčaj niebiaśpiečnaja źjava, jakaja časta zakančvajecca pažaram.
Kamientary
ja krasiv prirodnoj krysatoj - jak skazaŭ moj šeŭ