Biełarusam prapanoŭvajuć lacieć zaharać zimoj u Kitaj. Kirunak nazyvajuć samym dastupnym

Kab naviedać Chajnań, viza biełarusam nie patrebna. Biaźvizavy termin znachodžańnia — 30 dzion. Na praciahu hoda možna trojčy bieź vizy naviedać Kitaj.

Chajnań znachodzicca na adnoj šyracie z Havajami, tamu ŭ rekłamie vostraŭ časta nazyvajuć «Uschodnija Havai». Tam trapičny klimat, za hod byvaje 300 soniečnych dzion, a kupacca možna ŭ luby čas. Vyłučajuć siezon daždžoŭ (pik apadkaŭ prypadaje na pieryjad sa žniŭnia pa kastryčnik) i suchi siezon (sa śniežnia pa sakavik). Vostraŭ taksama ličycca adnym z unikalnych miescaŭ płaniety z-za vielmi čystaha pavietra.

Najbolš papularny horad-kurort — heta Sańja. Jak pišuć turapieratary, tut adnačasova spałučajucca vysokija technałohii i pryhažość pryrody. Abiacajuć malaŭničyja piejzažy, padziemnyja termalnyja krynicy, čysty piasok i staražytnyja vułkany. Pobač jość taksama kurorty Dadunchaj (jaho lubiać ruskija turysty), Chajtanh Biej i Jałonh Biej (samy darahi i elitny).

Pavialičyć

Ź cikavaha: mnohija kitajcy paźbiahajuć zaharu, bo i dahetul jon dla ich ličycca prykmietaj nizkaha sasłoŭja. Tamu na plažy jany časta znachodziacca ŭ adzieńni, a ŭ prodažy možna znajści navat śpiecyjalnyja maski dla abarony tvaru ad uździejańnia ŭltrafijaletu.

Usiaho ŭ saraka kiłamietrach ad Sańji, kala hary Nańšań (pierakładajecca jak Paŭdniovaja Hara), znachodzicca adnajmiennaja mižnarodnaja zona turyzmu. Tam raźmiaščajucca manastyr i park Bahini Huańjiń. U adnym z chramaŭ znachodzicca statuja Huańjiń, zroblenaja z čystaha zołata. Jana važyć 140 kiłahramaŭ i zaniesiena ŭ Knihu rekordaŭ Hiniesa jak samaja vialikaja załataja statuja ŭ Azii. 

@dunaeva_yuyu13

Kitaj stieklannyj most ✌

♬ orihinalnyj zvuk - Yulenka

U tyktoku možna pabačyć šmat videa sa šklanoha masta ŭ parku Jałonh Bej (jon znachodzicca ŭ horadzie Sańja). Prazrystaja kanstrukcyja, jakaja ŭražvaje turystaŭ, pabudavana sa zvyštryvałaha škła taŭščynioj 30 milimietraŭ. Praciahłaść masta składaje 400 mietraŭ, a samaje jaho vysokaje miesca znachodzicca na vyšyni 450 mietraŭ nad uzroŭniem mora. Pierad tym, jak vyjści na hety cud inžyniernaj dumki, abaviazkova adziavać na nohi bachiły, kab nie padrapać i nie zapeckać škło.

@id4nemo Obieźjany kupajutsia v baśsiejnie (dv kaśsieta, 2008 h.). #chajnań #obieźjany #ostrovobieźjan #monkeyswim #nemo4you ♬ Baby Shark - Pinkfong

Jašče siarod miascovych cikavostak adznačajuć park małpaŭ, dabiracca ŭ jaki treba pa samaj doŭhaj u śviecie nadvodnaj kanatnaj darozie. U parku žyvie kala dźviuch tysiač prymataŭ (u asnoŭnym heta huanskija makaki). 

Kali pahladzieć vodhuki turystaŭ na Chajnań, to možna pabačyć, što ludziej akramia plažnaha adpačynku cikavić lehiendarnaja kitajskaja miedycyna, dajvinh, a taksama šopinh (darečy, tut zajmajucca zdabyčaj naturalnaha žemčuhu). Siarod takoha, što nie ŭsim padabajecca — śpiecyfičnaja nacyjanalnaja ježa.

Ale ž samym vialikim minusam vodpusku na Chajnani turapieratary nazyvajuć doŭhi šlach da adpačynku. Zhodna z danymi servisu pošuku kvitkoŭ «Aviasejłs», samy chutki pieralot z Maskvy ŭ aeraport horada Sańja doŭžycca 13 hadzin (jość pierasadka ŭ Piekinie, jakaja zajmaje jak minimum paŭtary hadziny). Ale jość šmat varyjantaŭ (asabliva siarod biudžetnych), pry jakich pieralot u adzin bok zajmaje adzin-dva dni.

«Naša Niva» źviarnułasia ŭ adnu ź biełaruskich turfirmaŭ, jakaja prapanoŭvaje tury ŭ Kitai. Vyśvietliłasia, što zabraniravać adpačynak na Chajnani ŭ śniežni-studzieni možna zychodziačy ź biudžetu ad 700 dalaraŭ na čałavieka. U hety košt uvachodzić pieralot z Maskvy, 10 načej pražyvańnia ŭ čatyrochzorkavym hateli i śniadanki.

Turapieratar sumlenna papiaredžvaje, što pry takim košcie stykoŭki pry pieralocie chutčej za ŭsio buduć doŭhija — ad 8 da 24 hadzin. Za chutčejšy varyjant prapanujuć dapłacić 250 dalaraŭ za paru.

U Maskvu možna dabiracca samastojna abo dapłacić za tranśfier u aeraport i nazad — kaštuje heta 280 biełaruskich rubloŭ z čałavieka.

• 19
• 0
• 3
• 7
• 3
• 1
• 4
• 0