Pravasłaŭny śviatar prosić, kab prybrali mohiłki pierad Dziadami
Pa pravasłaŭnym novajulijanskim kalendary Dziady prypadajuć na subotu, 28 kastryčnika (u katolikaŭ — 1-2 listapada). «U hety dzień, 28 kastryčnika, u Vilni my budziem słužyć zaŭpakojnuju liturhiju», — napisaŭ u svaim fejsbuku pravasłaŭny śviatar Hieorhij Roj.
U niadzielu, 29 kastryčnika, na liturhii budziem paminać «rasstralanych paetaŭ», a taksama ŭsich achviar biazbožnaha kamunistyčnaha režymu. Na zaŭpakojnaj liturhijnaj malitvie budziem čytać ich imiony.
Na paślaliturhijnaj siabrynie pačytajem vieršy zabitych Savietami paetaŭ.
Vialikaja prośba da ŭsich prybrać biełaruskija mahiły na Vilenskich mohiłkach. Naša hramada biare pad uvahu Jefrasińnieŭskija mohiłki, dzie pachavany šerah biełaruskich dziejačaŭ i vybitnych asobaŭ našaj historyi.
Zaprašaju na prybirańnie mahiłak u najbližejšuju subotu 21-ha kastryčnika a 12-j hadzinie dnia (sustrakajemsia na nižniaj parkoŭcy kala Jefrasińjeŭskich mohiłak), i ŭ niadzielu 22-ha kastryčnika paśla niadzielnaj liturhii (sustrakajemsia ŭ carkvie na Bokštu, pačatak liturhii — 10:00).
Kali chto moža samastojna papracavać na budniach — heta budzie hodnaj i dobraj spravaj.
Pa Jefrasińjeŭskich mohiłkach jość składzieny śpis biełaruskich pachavańniaŭ z hieałakacyjaj mahił. Možna vybrać kahości, čyju pamiać Vy chacieli b ušanavać i prybrać jaje/iaho mahiłu, prapanuje Hieorhij Roj.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary