«Treba ŭjavić Sizifa ščaślivym». Vyjšła novaja kniha Valancina Akudoviča
Falijant amal u 400 staronak aŭtarstva adnaho z najupłyvoviejšych fiłosafaŭ Biełarusi byŭ nadrukavany ŭ vydaviectvie «Łohvinaŭ». Havorka idzie pra knihu Valancina Akudoviča «Treba ŭjavić Sizifa ščaślivym. Chroniki biełaruskaha intelektuała», piša Reform.by.
Nad hetym vydańniem Valancin Akudovič pracavaŭ nie adzin hod. Niekalki hod zapar frahmienty knihi drukavaŭ časopis «Dziejasłoŭ».
«Pieradusim heta kniha pra stvareńnie dyskursu sučasnaha biełaruskaha myśleńnia i hierojaŭ, jakija jaho stvarali, — prakamientavaŭ vychad doŭhačakanaha prajekta ŭ sacsietkach sam aŭtar. — Dy hetaja kniha šmat pra što i pra kaho, ale najpierš jana pra stvaralnikaŭ… Pra tych, chto dabrachoć padniaŭ z podu i ŭskinuŭ sabie na plečy ciažar, jaki jon nazyvaje «maja kraina». Z dnia ŭ dzień jany rušać z hetym ciažaram usio vyšej i vyšej, kab adnojčy ŭbačyć, jak kamień z hrukatam znoŭ skocicca dołu. A značyć treba jašče raz viartacca da pačatku pačatkaŭ… I my viartajemsia!»
Valancin Akudovič — biełaruski fiłosaf, eseist, litaraturny krytyk. Aŭtar takich knih, jak «Mianie niama. Rozdumy na ruinach čałavieka» (1998), «Razburyć Paryž» (2004), «Dyjałohi z Boham» (2006), «Kod adsutnaści. Asnovy biełaruskaj mientalnaści» (2007), «Kniha pra ništo» (2012), «Pračnucca rankam u svajoj krainie» (2015).
Nabyć novuju knihu Valancina Akudoviča nieŭzabavie možna budzie praź placoŭki vydaviectva «Łohvinaŭ».
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ54
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary