Prezident Kyrhyzstana napisaŭ pyšnuju padziaku Łukašenku za «strohaje daručeńnie», «asabisty kantrol» i «jakasny» ramont viertalota
Alaksandr Łukašenka asabista kantralavaŭ «vielmi jakasny» ramont kyrhyzstanskaha viertalota MI-8MTV-1. Prynamsi, tak napisaŭ u sacsietkach prezident Kyrhyzstana Sadyr Žaparaŭ, jaki pa-ŭschodniamu ščodra padziakavaŭ Łukašenku za ramont viertalota ŭ Biełarusi.
Pavodle Žaparava, u 2016 hodzie Rasija pieradała Kyrhyzstanu viertalot Mi-8MTV-1.
«Ale, na žal, roŭna praz hod, u 2017 hodzie, hety viertalot złamaŭsia, i z roznych pryčyn zastavaŭsia ŭ niaspraŭnym stanie da hetaha času», — piša Žaparaŭ.
Ale praz šeść hadoŭ «śpiecyjalisty zmahli ŭstanavić», što viertalot možna adramantavać.
I voś, jak piša Žaparaŭ, «dziakujučy lidaru Respubliki Biełaruś, tam byŭ zrobleny kapitalny ramont viertalota».
«U suviazi z hetym chacieŭ by vykazać hłybokuju ŭdziačnaść prezidentu Biełarusi Alaksandru Łukašenku za toje, što jon nieadkładna adreahavaŭ na našu prośbu. Prezident Łukašenka ŭziaŭ pad asabisty kantrol praviadzieńnie ramontu našaha viertalota, z usioj strohaściu daručyŭšy adpaviednym śpiecyjalistam jakasna vykanać usie raboty. Treba pryznać, što biełaruskija śpiecyjalisty praviali ramont vielmi jakasna», — napisaŭ Žaparaŭ.
«Jašče raz chaču vykazać padziaku lidaru Biełarusi. Daj Boža, kab hety viertalot jašče pasłužyŭ našaj dziaržavie», — nie spyniajecca Žaparaŭ.
Akramia taho, jon padziakavaŭ prezidentu Uźbiekistana.
«Brackaja Respublika Uźbiekistan pieradała Kyrhyzskaj Respublicy ŭ jakaści biazvypłatnaj humanitarnaj dapamohi vajskovy viertalot Mi-8MTV. Usio heta, viadoma ž, stała mahčymym pry padtrymcy i kantroli prezidenta Uźbiekistana, pavažanaha Šaŭkata Mirzijojeva. U suviazi z hetym vykazvaju hłybokuju padziaku Šaŭkatu Miramonaviču.
Takim čynam, park vajskovych pavietranych sudnaŭ Kyrhyzstana papoŭniŭsia jašče dvuma viertalotami», — napisaŭ Žaparaŭ.
Ciapier čytajuć
«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR7
Kamientary