Zahinuŭ jašče adzin biełaruski dobraachvotnik, jaki zmahaŭsia na baku Ukrainy. Heta ŭžo 36-ja śmierć za paŭtara hoda
Va Ukrainie zahinuŭ biełaruski dobraachvotnik Pavieł Horbač z pazyŭnym «Bort», paviedamlaje «Radyjo Svaboda».
Pra śmierć vajara taksama ŭ svaich akaŭntach paviedamlajuć siabry Horbača ŭ Instagram. Apošni raz u Telegram jon źjaŭlaŭsia na hetym tydni. Padrabiaznaści hibieli biełarusa pakul nieviadomyja.
Pavieł Horbač naradziŭsia 10 studzienia 1992 hoda. Viadoma, što z 2012-ha da 2015 hoda jon słužyŭ na kantrakcie ŭ biełaruskim vojsku, byŭ staršynoj. U Biełarusi Horbača asudzili za niestatutnyja adnosiny, jon adbyvaŭ pakarańnie na «chimii».
Sam Pavieł Horbač u intervju telekanału «Biełsat» kazaŭ, što maje na rukach usie dakumienty i chacieŭ by abskardzić hety prysud.
Viadoma, što Pavieł byŭ fanatam futbolnaha mienskaha «Dynama». U razmovach z karespandentam «Svabody» dobraachvotnik raskazvaŭ, što jaho, jak fanata, jašče da 2020 hoda sprabavaŭ zavierbavać HUBAZiK.
Horbač aktyŭna ŭdzielničaŭ u pratestach 2020 hoda, byŭ vymušany vyjechać z krainy, kab nie trapić pad kryminalny pieraśled. U Polščy pracavaŭ dalnabojnikam.
Va Ukrainu pajechaŭ ad samaha pačatku vajny razam ź siabram Źmitrom «Teroram» Apanasovičam. U sakaviku 2022 hoda «Bort» i «Teror» udzielničali ŭ bajach u Irpieni Kijeŭskaj vobłaści. Tam Apanasovič atrymaŭ śmiarotnaje ranieńnie.
U dalejšym Pavieł «Bort» byŭ kamandziram raźviedki ŭ bataljonie «Teror». Udzielničaŭ u bajach na poŭdni Ukrainy, u vyzvaleńni Chiersona.
Pavodle źviestak «Svabody», za niekalki miesiacaŭ da śmierci Pavieł Horbač pakinuŭ «Teror». Apošnim časam jon vajavaŭ u inšym padraździaleńni.
Heta jak minimum 36-y biełaruski dobraachvotnik, jaki zahinuŭ ad pačatku poŭnamaštabnaj vajny va Ukrainie.
-
Kala «Pieršaha nacyjanalnaha handlovaha doma» ŭ Minsku testujuć novyja śviatłafory FOTY
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma11
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary