Žychary Kałodziščaŭ siońnia čuli mocny hrukat ad vybuchaŭ. Što heta było?
Motolkohelp pisaŭ, što pa źviestkach miascovych žycharoŭ vybuchaŭ było ŭžo nie mienš za try. Paviedamlałasia, što ad vybuchaŭ u damach dryžać šyby. Vybuchi čujuć i kala HC «Moma», jaki znachodzicca kala stancyi mietro «Mahiloŭskaja» za 12,5 km ad Kałodziščaŭ.
U Kałodziščanskim punkcie achovy paradku paviedamili, što na palihonie 120-j dyvizii prachodziać vučeńni.
«Jany zranku bachajuć. Niama pryčyny dla niepakoju», — skazaŭ supracoŭnik milicyi.
Amal miesiac tamu, poźnim viečaram 5 kastryčnika, na čyhunačnaj stancyi Aziaryšča pad Minskam taksama čuli vybuchi. Jak paviedamlała «Supolnaść čyhunačnikaŭ Biełarusi», vybuchnuła pamiž 4 i 6 kalainami. Mahutnaść vybuchoŭki aceńvałasia jak davoli vysokaja, ale asabliva surjoznych paškodžańniaŭ infrastruktury nie było. Nastupstvy nie pryviali da zatrymki ciahnikoŭ. Dalej byli abvieščanyja ŭ vyšuk try čałavieki: baćka i dva syny.
Aficyjnaha tłumačeńnia tady nie było. Alaksandr Azaraŭ vykazaŭ viersiju, što heta mahła być pravierka: KDB praviaraŭ bojehatoŭnaść i reahavańnie na nadzvyčajnuju situacyju MUS i śpiecsłužbaŭ.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary