Na zavodzie ŭ Oršy adbyŭsia vykid pary, traŭmavanyja piaciora rabočych
Piać rabočych byli traŭmavanyja ŭ vyniku incydentu na AAT «Aršanski miasakansiervavy kambinat», paviedamili ŭ MNS. Pryčynaj staŭ zryŭ viečka viertykalnaha aŭtakłava dla sterylizacyi pradukcyi ŭ kansiervavym cechu.
«Papiarednie ŭstanoŭlena, što supracoŭnica miasakambinata vykonvała vytvorčyja pracesy z aŭtakłavam, u jakim sterylizavałasia tušonka. Pry sprobie astudžeńnia abstalavańnia adbyŭsia vykid pary, jakaja znachodzicca pad vysokim ciskam», — paviedamili ŭ Śledčym kamitecie.
Paciarpiełyja byli dastaŭleny ŭ haradskuju balnicu № 1 imia Siamaški.
U Ministerstvie achovy zdaroŭja paviedamili, što va ŭsich paciarpiełych dyjahnastavanyja čerapna-mazhavyja traŭmy, termičnyja apioki tvaru, cieła, vierchnich i nižnich kaniečnaściaŭ.
«Dvoje znachodziacca ŭ ciažkim stanie, u ich dyjahnastavanyja apioki 40-60%. U traich — apioki mienšaj stupieni, jany znachodziacca ŭ zdavalniajučym stanie», — udakładnili ŭ viedamstvie.
Abmiarkoŭvajecca mahčymaść transparciroŭki paciarpiełych u Respublikanski apiokavy centr pry Balnicy chutkaj miedycynskaj dapamohi ŭ Minsku.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary