BAR24 paraŭnaŭ ceny na leki i srodki miedycynskaha pryznačeńnia ŭ listapadzie 2022 i 2023 hoda ŭ adnoj z aptek horada Baranavičy.
U śpis uvajšli najbolš chadavyja leki i miedycynskija tavary, jakija byli ŭ prodažy na momant manitorynhu ŭ listapadzie 2022 hoda i ŭ listapadzie 2023-ha ŭ adnoj i toj ža aptecy Baranavič. Bolšaść preparataŭ — biełaruskaj vytvorčaści.
Što padaražeła
Kali hladzieć u rublach i kapiejkach, to padasca, što ceny na leki sa śpisu za hod nie mocna źmianilisia. Samy vialiki plus — heta 1,48 rub. u adnaho z preparataŭ. Usio astatniaje — da rubla.
A voś kali hladzieć u pracentach, to tut usio bolš surjozna. I miedpreparaty mnohija biełarusy kuplajuć ledź nie kožny miesiac, a kamuści i nie adzin patrebny.
U trojku miedpreparataŭ i vyrabaŭ, što najbolš padaraželi za hod, uvajšli: mukałcin, validoł i vata.
Mukałcin (va ŭpakoŭcy 30 tabletak) za hety pieryjad «vyras» z 2,73 da 3,56 rubla. Padaražeŭ u 1,3 razy!
Validoł, jaki jość u damašniaj aptečcy praktyčna kožnaha biełarusa, za hod prybaviŭ amal rubiel (abo 28%). A voś sama ŭpakoŭka dobra «schudnieła»: kali ŭ listapadzie minułaha hoda 50 tabletak kaštavali 3,2 rub., to ciapier 4,1 rub. kaštujuć 30 tabletak.
Zvyčajnaja sterylnaja vata za hod padaražeła na tracinu, dadaŭšy ŭ košcie 71 kapiejku.
U śpisie tavaraŭ, jakija padaraželi, taksama apynulisia analhin, acetyłsalicyłavaja kisłata (aśpiryn), validoł, hałazalin, kardyjamahnił, kaptaprył, nitrahiceryn, pankreatyn, tiempałhin, jod, maź Višnieŭskaha (hł. tablicu).
Jakija leki patańnieli
U śpisie lekavych preparataŭ, jakija paraŭnoŭvali, jość i patańniełyja za hety čas.
Bolš za ŭsio «straciła» nastojka hłohu (50 mł) — minus 30%: u listapadzie 2022 hoda jana kaštavała 1,6 rub., Ciapier — 1,11.
Značna patańnieli bakterycydny lejkapłastyr (minus 26%) i niesterylizavany bint (minus 19%).
Siarod preparataŭ miedycynskaha pryznačeńnia sa śpisu tolki adzin zastaŭsia pa tym ža košcie, što i hod tamu. Heta hiematahien z arachisam. I ŭ listapadzie minułaha hoda, i ciapier jaho cana — 90 kapiejek.
Ceny miedpreparataŭ u adnoj z aptek Baranavičaŭ u listapadzie 2022 h. i 2023 h., u rub.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary