26 čałaviek zatrymanyja. Łukašenka raspavioŭ pra «małočnuju spravu»
Alaksandr Łukašenka padčas narady raskazaŭ pra vialikuju kryminalnuju spravu ŭ małočnaj halinie. Pavodle jaho słoŭ, vykryta karupcyjnaja schiema ekspartu ŭ Rasiju pradukcyi małakapierapracoŭčych pradpryjemstvaŭ.
Hienieralny dyrektar «Babuškinoj krynki» Hienadź Skitaŭ byŭ pryznačany na pasadu ŭ vieraśni 2019 hoda. Jon sfarmiravaŭ svaju kamandu ź liku nabližanych znajomych i svajakoŭ i pačaŭ, pavodle słoŭ Łukašenki, «novuju zbytavuju palityku».
Jak raskazaŭ Łukašenka, pasady načalnikaŭ filijałaŭ zaniali byłyja milicyjanty — z Barysaŭskaha RUVD i ABEZ, — były kiroŭca Skitava, były kiraŭnik barysaŭskaha kambinata chlebapraduktaŭ i svajaki hiendyrektara.
Jak adznačyŭ staršynia KDB Ivan Cierciel, było zatrymana 26 čałaviek, na ciapierašni momant 15 aryštavany.
U vyniku apieratyŭna-vyšukovych mierapryjemstvaŭ uziaty ŭ raspracoŭku 8 kamiercyjnych hrup, jakija ŭstanavili kantrol na vyhadnych dla siabie ŭmovach nad ekspartam u Rasiju, raspavioŭ Łukašenka.
«Atrymanaja infarmacyja pakazała, što realizacyju schiemy nie mahli ažyćciaŭlać biez udziełu słužbovych asob pradpryjemstvaŭ i dziaržorhanaŭ», — skazaŭ Łukašenka, dadaŭšy, što tam mohuć być i členy ŭradu.
«Šlacham podkupu asobnyja kamiersanty atrymlivali prava pieršačarhovaha raźmierkavańnia małočnaj pradukcyi (masła, syroŭ, inšaj małočnaj pradukcyi) na svaju karyść z mahčymaściu zakupki pa canie nižejšaj za ŭstanoŭleny indykatyŭ», — raspavioŭ Łukašenka.
Jon vykazaŭ mierkavańnie, što padobnaja złačynnaja schiema stała mahčymaj, tamu što nie vypracavana sistema realizacyi pradukcyi. «Mnohija prapanujuć praź biržu ŭsio pradavać i hetak dalej. Heta vaša sprava. Ale jak tolki zamiali hetych dziejačaŭ, pasadzili kudy treba, zusim inšyja ceny na pradpryjemstvach. I ŭsio pačałosia, spadar Subocin (staršynia Viciebskaha abłvykankama — NN.), ź Viciebskaj vobłaści. Moža być, da vas. Ale nie daj boh (hubiernataraŭ papiaredžvaju) kasiaki buduć u vašu bytnaść, mała nie padasca. Budzie až u vačach ciomna, jakimi b vy nadziejnymi i addanymi mnie ni byli. Heta pytańnie nie Łukašenki. Heta pytańnie dziaržaŭnaj važnaści», — skazaŭ jon.
«Ja daručyŭ staršyni Kamiteta [dziaržaŭnaj biaśpieki] usich pierapisać, usiu ŭłasnaść. A ŭłasnaści tam niamierana. Usio pavinna być kanfiskavana ŭ dachod dziaržavy. Stratu my bačym. Usia ŭłasnaść pavinna być u dziaržavy», — skazaŭ Łukašenka.
Taksama jon vykazaŭ niezadavalnieńnie pracaju kiraŭnika svajoj Administracyi Ihara Sierhiejenki i Natalli Kačanavaj jak upaŭnavažanaj pa Minsku. «Raźbiaromsia z usimi», — reziumavaŭ Łukašenka.
Ciapier čytajuć
21‑hadovaha kursanta Akademii avijacyi asudzili za Hajuna4
21‑hadovaha kursanta Akademii avijacyi asudzili za Hajuna
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Otkroju tiebie niebolšoj siekriet,russkije kommiersy sami zakazyvajut takoj falsifikat s cielju udiešievlenija,no prikładyvajut k niemu dokumienty ot normalnych partij. U tiebia počiemu bolit ot etoho? Ty v Rośsii živieš? Ja v etom nie somnievajuś.
Po mnie pusť choť navoz v syr dobavlajut. Dla vas, rośsijan,ničieho nie žałko.