Palicyja Niderłandaŭ zatrymała 57-hadovaha biełarusa pa padazreńni ŭ zabojstvie inšaha biełarusa
Palicyja Niderłandaŭ aryštavała mužčynu ź Biełarusi, jakoha padazrajuć u zabojstvie biełaruskaha dalnabojščyka Maksima Hrynia, piša «Lusterka» na padstavie publikacyi ŭ miascovym vydańni Omroep Brabant.
Jak piša vydańnie, palicyjanty dapytali ŭsich kiroŭcaŭ hruzavikoŭ, jakija znachodzilisia ŭ momant zabojstva na stajancy, a taksama tych, chto ŭžo paśpieŭ vyjechać. Detektyvy sabrali ŭsie videa z kamier nazirańnia i pa vynikach rasśledavańnia zatrymali na poŭnačy krainy 57-hadovaha biełarusa.
Cieła 25-hadovaha biełarusa Maksima Hrynia znajšli 21 kastryčnika pasiarod parkoŭki na pamiežnym pierachodzie «Chaziełdonk» niedaloka ad horada Breda. Uviečary inšy kiroŭca hruzavika ŭbačyŭ čałavieka, jaki chistaŭsia, a paśla ŭpaŭ na ziamlu.
Pravaachoŭniki vyśvietlili, što Hryń padjechaŭ da ŭschodniaha boku parkoŭki paśla pałovy siomaj ranicy. Amal praz dvanaccać hadzin paśla taho jon atrymaŭ nažavoje ranieńnie. Jahony kaleha-dalnabojnik znajšoŭ mužčynu surjozna paranienym na stajancy kala pałovy siomaj. Vyklikali ekstrannyja słužby, ale dapamoha pryjšła zanadta pozna, Maksim Hryń pamior na miescy.
Hryń pracavaŭ u litoŭskaj transpartnaj kampanii Finejas. U toj dzień u jahonym trejlery znachodziŭsia hruz z Paŭdniovaj Jeŭropy, jaki dastaŭlaŭsia ŭ centralnuju častku Niderłandaŭ.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary