Prezident Hany zaklikaŭ vypłacić afrykancam kampiensacyi za handal rabami
Apošnim časam heta ideja nabrała abaroty va ŭsim śviecie.
Afrykancam i dyjaspary daŭno čas vypłacić finansavyja reparacyi ŭ jakaści kampiensacyi za paniavoleńnie ludziej afrykanskaha pachodžańnia, zajaviŭ prezident Hany Nana Akufa-Ada ŭ aŭtorak u pieršy dzień kanfierencyi, pryśviečanaj pytańniu, jak zmahacca z takoj histaryčnaj niespraviadlivaściu, piša Reuters.com.
Prychilniki takoj idei ŭžo daŭno zaklikajuć vypłacić reparacyi ci inšym čynam zahładzić vinu za rabstva, ale apošnim časam mienavita hety ruch nabraŭ abaroty va ŭsim śviecie.
«Nijakaja suma hrošaj nie zmoža pakryć škodu, pryčynienuju transatłantyčnym handlem rabami… Ale, niesumnienna, heta pytańnie, jakomu śviet pavinien supraćstajać i jakoje jon bolš nie moža ihnaravać», — skazaŭ Akufa-Ada, adkryvajučy čatyrochdzionnuju kanfierencyju pa kampiensacyi škody, što prachodzić u stalicy Hany Akry.
Čakajecca, što na mierapryjemstvie budzie raspracavany płan dziejańniaŭ pad kiraŭnictvam Afryki pa reparacyjnym pravasudździ, stvorany Kamitet ekśpiertaŭ.
«Uvieś pieryjad rabstva aznačaŭ, što naš prahres, ekanamičny, kulturny i psichałahičny, byŭ padaŭleny. Jość šmat historyj pra siemji, jakija byli padzielenyja», — skazaŭ Akufa-Ada. «Vy nie možacie kolkasna acanić nastupstvy takich trahiedyj, ale ich nieabchodna pryznać».
Z 15 pa 19 stahodździe prynamsi 12,5 miljona afrykancaŭ byli vykradzienyja i hvałtoŭna pieraviezienyja jeŭrapiejskimi karablami i handlarami i pradadzienyja ŭ rabstva. Tyja, chto pieražyŭ heta žorstkaje padarožža, pracavali na płantacyjach u niečałaviečych umovach u Paŭnočnaj i Paŭdniovaj Amierycy, hałoŭnym čynam u Brazilii i Karybskim basiejnie, u toj čas jak jeŭrapiejskija pasialency atrymlivali prybytak ad ich pracy.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?6
Kamientary