Rasijskaj mastačcy, jakaja mianiała ceńniki ŭ kramach na antyvajennyja nadpisy, dali siem hadoŭ kałonii
Da 7 hadoŭ kałonii asudzili mastačku Alaksandru Skačylenka pa spravie ab «fejkach» pra vojska. Prakuror zapytvaŭ dla dziaŭčyny vosiem hadoŭ kałonii.
Padstavaj dla spravy stała antyvajennaja akcyja ŭ supiermarkiecie: dziaŭčyna zamianiła ceńniki ŭ kramie na antyvajennyja nalepki ź infarmacyjaj ab rasijskich vajskoŭcach, jakija zahinuli ŭ Maryupali, i z zaklikami spynić bajavyja dziejańni.
Pa viersii śledstva, jana dziejničała z metaj prapahandy niehatyŭnaj acenki tak zvanaj «śpiecyjalnaj vajennaj apieracyi».
U svaim apošnim słovie na sudzie Skačylenka zajaviła, što «dziejničała ŭ metach abarony intaresaŭ RF i jaje hramadzian, a taksama ŭ metach padtrymańnia mižnarodnaha miru i biaśpieki», paviedamlaje «Miedyjazona».
Na abviaščeńnie prysudu pryjšoŭ režysior Alaksandr Sakuraŭ. Jon nazvaŭ sud nad Skačylenka «ździekam nad narodam, nad čałaviekam», piša «Baza».
Mastačka znachodzicca ŭ SIZA z krasavika 2022 hoda.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary