«Sumnavata jamu było, padobna, biez spadara Pašyniana». Śpieckarespandent «Kommiersanta» pakpiŭ z Łukašenki ŭ repartažy z samita ADKB
Žurnalist rasijskaha «Kommiersanta» Andrej Kaleśnikaŭ viadomy iraničnaj i davoli śmiełaj manieraj svajho piśma. U sarkastyčnaj maniery jon moža kamientavać padziei z udziełam navat takich «niedatykalnych» u Rasii asob, jak Pucin ci Ramzan Kadyraŭ. Nie mianiaŭ svajho stylu jon i hetym razam, budučy adpraŭleny ŭ kamandziroŭku na samit ADKB u Minsk.
«Usiaredzinie ŭsio jak zaŭsiody. Pieramien niama i nie pradbačycca, — apisvaje karespandent atmaśfieru ŭ Pałacy Niezaležnaści, u jaki ŭvachodzić z «pa-lutaŭsku» zaśniežanaha Minska. —
Tut rychtujucca da samitu kiraŭnikoŭ krain ADKB. I tut užo ŭsio, takoje ŭražańnie, dla ludziej. To-bok u pres-centry na stale — prosta batareja harełki «Prezident», francuzskaha vina i armianskaha kańjaku, miž inšym.
To-bok cień Nikoła Pašyniana, jaki nie pryjechaŭ u Minsk z pryčyny svaich kryŭdaŭ na arhanizacyju, što tak i nie abaraniła Armienii, usio ž łunaje tut, u hetym pampieznym pustynnym budynku (i heta, pa spraviadlivaści, usio, čym pradstaŭlenaja Armienija na samicie ADKB)».
Da pytańnia adsutnaści Pašyniana Kaleśnikaŭ viartaŭsia ŭvieś čas svajho repartažu, nie ŭpuskajučy vypadku pakpić z hetaj nahody z Łukašenki.
«I tolki kali lidary piaci krain fatahrafujucca na fonie svaich ściahoŭ, ty razumieješ, što pra Armieniju nahadvaje jašče i ściah krainy za ich śpinami. Armienija pakul nie śpisanaja adusiul u ADKB.
Pieramovy ŭ vuzkim składzie pačynajucca rana, a zakančvajucca, chočacca napisać, jašče raniej.
«Prablemnyja pytańni treba abmiarkoŭvać za stałom pieramovaŭ, a nie ździajśniać demaršy biez peŭnych pryčyn»,— razdražniona kaža na pašyranym pasiadžeńni spadar Łukašenka, jaki jašče niadaŭna na kožnym samicie ličyŭ svaim abaviazkam publična pavučyć žyćciu Nikoła Pašyniana i ciapier, mabyć, nie ŭ apošniuju čarhu z-za hetaha pakutuje ad jaho adsutnaści tut», — zaŭvažaje Kaleśnikaŭ.
A pracytavaŭšy vykazvańni Łukašenki pra pahrozu Treciaj suśvietnaj vajny i pra jadziernuju zbroju jak harantyju biaśpieki, maskoŭski žurnalist robić vysnovu:
«Tak, sumnavata jamu było, padobna, biez spadara Pašyniana».
I źviarnuŭ uvahu na toje, što nadziei jašče niekali pabačyć armianskaha premjera Łukašenka nie tracić. Cytuje Łukašenku:
«My vykazali mierkavańnie i pažadańnie, što chutčej za ŭsio ŭ Piciery, usio ž taki ekanamičnaje ŭ asnoŭnym mierapryjemstva, my ŭbačym našych armianskich siabroŭ».
Čytajcie taksama:
Łukašenka pakryŭdziŭsia na Armieniju za «demarš»
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet4
Kamientary
Šiesť porosiat pošli kupaťmia v morie.....
Mietodička spuŝiena prosta, vsie, nieudobnyje, dla łu-łu, novosti iz RF, hnievno ruhať za pieriepiečatku v biełorusskoj hazietie, kak i luboj kommientarii v niej na russkom jazykie.
Vpiečatlajet, prihožinskuju fabriku, pieriešiedšuju pod kontrol viti, zastavili vyučiť
biełorusskij jazyk.
A hovoriat, čto, ot prihožina i jeho trollej, niet nikakoj polzy.