Maryjana Budanava znachodzicca ŭ balnicy.
Žonku kiraŭnika Hałoŭnaha ŭpraŭleńnia raźviedki Ukrainy Maryjanu Budanavu atrucili ciažkimi mietałami. Žančyna znachodzicca ŭ balnicy. Pra heta «Babielu» paviedamili krynicy ŭ raźviedcy.
Paśla praciahłaha paharšeńnia stanu zdaroŭja jaje špitalizavali.
«Ciapier zaviaršajecca kurs lačeńnia, dalej — kantrol daktaroŭ», — adznačyŭ surazmoŭca ŭ HUR i dadaŭ, što žančynie dyjahnastavali paražeńnie ciažkimi mietałami.
«Hetyja rečyvy nijakim čynam nie vykarystoŭvajucca ŭ pobycie i vajennaj spravie. Ich najaŭnaść moža pakazvać na metanakiravanuju sprobu atručvańnia kankretnaha čałavieka», — adznačyli ŭ raźviedcy.
Krynicy paćvierdzili, što na Kiryła Budanava taksama ździajśniali zamachi da i paśla poŭnamaštabnaha ŭvarvańnia. Ciapier viadziecca rasśledavańnie z nahody vierahodnaj sproby zabojstva žonki načalnika HUR Ukrainy.
Kiraŭnik Hałoŭnaha ŭpraŭleńnia raźviedki Kirył Budanaŭ u intervju «Radyjo Svaboda» zajaviŭ, što jaho žonka ciapier pražyvaje razam ź im u jaho pracoŭnym kabiniecie, choć i nie pracuje ŭ HUR. Z červienia 2021 hoda jana pracuje daradcaj mera Kijeva Vitala Kličko.
Kirył i Maryjana Budanavy pažanilisia ŭ žniŭni 2013 hoda. U kastryčniku 2022 hoda Budanava dała intervju ŭkrainskamu časopisu Elle, u jakim raspaviała pra siabie. Jana paviedamiła, što pa adukacyi psichołah, z 2015-ha da 2017 hoda zajmałasia vałanciorskaj dziejnaściu ŭ hałoŭnym vajennym špitali na Špitalnaj u Kijevie.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary