Inesu Vorychavu, maci daradcy Cichanoŭskaj pa moładzievaj palitycy i studenctvie, zatrymali ŭčora ŭ Navapołacku.
Siońnia stała viadoma, što joj dali 15 sutak. Pra heta paviedamiŭ milicejski kanał. U dopisach łukašysckich kanałaŭ pahražajuć žančynie kryminalnaj spravaj, kali «jana nie zrazumieje».
Inesu Vorychavu zatrymali ranicaj u čaćvier. Jaje zabrali na dopyt z pracy, pratrymali tam čatyry hadziny i nie adpuścili.
«U jaje dahetul nie było ni zatrymańniaŭ, ni papiaredžvańniaŭ, ni razmoŭ z orhanami. Paśla navin pra Kaardynacyjnuju radu my ź joj čakali, što da jaje pryjduć, ale ad hetaha čakańnia i hatoŭnaści lahčej nie stanovicca. Mnie vielmi škada, što joj davodzicca prachodzić praz usie hetyja vykliki za mianie. I ahułam za toje, što režym vykarystoŭvaje rodnych jak srodak represij», — prakamientavała Marharyta Vorychava aryšt maci.
Marharyta źjechała ź Biełarusi letam 2021 hoda padčas masavych represij u bok niedziaržaŭnych arhanizacyj i atak na lidaraŭ NDA. Tady dziaŭčyna, jak i ciapier, była prezidentkaj Biełaruskaha moładzievaha nacyjanalnaha savieta RADA. Z 6 žniŭnia 2023 hoda Vorychava pracuje daradcaj Cichanoŭskaj pa moładzievaj palitycy i studenctvie.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary