Stała viadomym pytańnie, jakoje rasiejcy najbolš chacieli b zadać Pucinu
Piataja častka rasiejcaŭ spytali b prezidenta Uładzimira Pucina ab terminach zakančeńnia vajny z Ukrainaj, kali b u ich była mahčymaść zadać pytańnie. Hety adkaz staŭ samym papularnym u sacyjałahičnym apytańni «Levada-Centra», praviedzienaha pierad pramoj linijaj i pres-kanfierencyjaj Pucina, jakija zapłanavany na 14 śniežnia, pišuć «Važnyje istorii».
Usie adkazy respandentaŭ byli zhrupavany pa temach. Pra vajnu varyjanty pytańniaŭ Pucinu byli takimi: «Kali budzie mir?», «Kali skončycca SVA?», «Kali pieramožam?», «Što robiać, kab skončyć hetuju apieracyju?», «Kali skončycca mabilizacyja?» Heta chvaluje 21% apytanych.
Nastupnymi pa papularnaści temami dla pytańniaŭ Pucinu stali maleńkija piensii (8%), sacyjalnyja prablemy (8%) i nizkija zarobki (7%).
10% rasiejcaŭ nie stali b pytać prezidenta Rasii ni pra što, 20% nie zmahli adkazać na pastaŭlenaje sacyjołahami pytańnie.
U apytańni, praviedzienym 23-29 listapada, uziali ŭdzieł 1625 čałaviek u 137 nasielenych punktach. Ludzi mahli prapanavać niekalki varyjantaŭ adkazu.
Pramaja linija z Uładzimiram Pucinym apošni raz prachodziła ŭ červieni 2021 hoda, pres-kanfierencyja — u śniežni 2021-ha.
Pa danych na 13:00 6 śniežnia, rasiejcy zadali Pucinu bolš za 25 600 pytańniaŭ. U śpisie z 16 pytańniaŭ, apublikavanych na admysłovym sajcie «Vyniki hoda z Uładzimiram Pucinym», pra vajnu było tolki adno: «Prašu razabracca z prablemaj vypłat vajskoŭcam, jakija lažać u špitalach».
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary