Usiaho patrochu11

U minskim Bataničnym sadzie nienadoŭha adkryli «Krainu Palmaryju»

Minski Bataničny sad časova adčyniŭ dźviery ŭ svoj zakryty kalekcyjny fond. Pahulać siarod vieličnych palmaŭ u staradaŭnim budynku možna ŭsiaho raz na hod, paviedamlajuć «Minsk-Naviny».

Za aknom śnieh, a ŭ minskim Bataničnym sadzie pad šklanym kupałam šumiać palmy i na ŭsiu moc śpiejuć mandaryny. U minčan i haściej stalicy jość litaralna niekalki dzion, kab atrymać asałodu ad leta pad Novy hod.

Na 150 «kvadratach» družna ŭžyvajucca ekzatyčnyja kvietki i sukulenty — umiełaja praca biełaruskich navukoŭcaŭ. Raśliny padbiralisia z roznych šyrot płaniety pa ich zapytach. Pad šklanym kupałam kamfortna łaŭrovamu drevu, sabalu palmieta z Paŭnočnaj Amieryki i adeniumu hładkamu rodam z pustynnych miescaŭ Afryki.

Cukrovaja, kalifarnijskaja, finikavaja, ratanhavaja i vinnaja palma — za hady ciepłalubivyja drevy paśpiachova aklimatyzavalisia i adčuvajuć siabie jak na radzimie.

U aranžarei — kala 40 taksonaŭ. A voś kakosavaj u hetym palmavym bahaćci niama, vielmi ŭžo jana kapryznaja dla rostu ŭ miascovych umovach.

Zatoje vielizarnaja finikavaja palma dasiahnuła ŭ litaralnym sensie stoli, a heta 25 mietraŭ, raskidaŭšy pad samym kupałam zialonyja halinki, i stvoł jaje rukami adnamu nie abchapić. Ekzemplaru, darečy, bolš za 80 hadoŭ.

Nasuprać ciahniecca ŭvierch stralicyja Mikałaja. Ekzatyčnuju raślinu ŭ narodzie prazvali chatnim hihantam, a svajo aficyjnaje imia jana atrymała ŭ honar rasijskaha impieratara Mikałaja. Stvoł hihanta padobny na palmu, a liście — na banan. Stralicyja davoli niepatrabavalnaja ŭ dohladzie — važny bałans tempieratury i śviatła.

Padobna na toje, što kvietkavodaŭ dla vyroščvańnia ekzotyki ŭ chatnich umovach spyniaje pamier — stralicyja Mikałaja zdolnaja vymachać da 12 mietraŭ u vyšyniu i paradavać niezvyčajnaj kvietkaj, padobnaj da fijaletava-čornaj ptuški.

Jość tut cełaja kalekcyja fikusaŭ i hierani — pluščapadobnaja, pijonapadobnaja, duchmianaja, sukulentnaja, unikum. Adroźnivajecca raślina nie tolki pyšnymi sukviećciami i liściem. U apošnich, darečy, svoj asablivy vodar — ad rezkaha cytrynavaha da sałodkaha, jak u koka-koły.

Viečnaje trapičnaje leta ŭ centry stalicy panuje kruhły hod. A voś pabadziacca siarod pryhožaj pyšnaj zielaniny ŭ atmaśfiery tropikaŭ i padychać vilhotnym i durmanlivym pavietram možna tolki da siaredziny miesiaca.

Prahulacca ŭ palmaryj možna pa 17 śniežnia ŭklučna z 11:00 da 17:00.

Čytajcie taksama:

Na pradpryjemstvie ŭ Mahiloŭskim rajonie vyraścili banany

U Drazdach źjaviłasia «palmavaja aleja»

«Drevy akazalisia bolš tryvałymi za damy». Biełaruskaja pierakładčyca prajšłasia pa ŭruhvajskaj stalicy ściežkami starych uspaminaŭ

Kamientary1

  • Jurek
    12.12.2023
    Šob ja tak žyu!!!
    Siudy by zapuscić źbiehłaha hrodzienskaha papuhaja... vo była by žytucha u paudniovaj ptuški !!!

Ciapier čytajuć

«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi3

«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi

Usie naviny →
Usie naviny

Siabroŭka Lilii Łukašenki pierapisała svaje aktyvy ŭ Jeŭropie6

19 čałaviek zahinuli ad atručvańnia ałkaholem u Leninhradskaj vobłaści. Surahat vyrablała vychavacielka dziciačaha sadka6

U baranavickim SIZA novy načalnik4

Blišč zrabiŭ efiektnyja FOTY Drazdoŭ — takimi vy ich nie bačyli19

Ciahnik syšoŭ z rejek i zhareŭ na miažy ź Biełaruśsiu ŭ Smalenskaj vobłaści4

Z Akademii muzyki zvolnili pieršaha prarektara Juryja Karajeva2

U škole Bresta adzin chłopiec udaryŭ druhoha pa nahach. Jaho maci pajšła ŭ sud — choča 1000 rubloŭ za maralnuju škodu14

U vyniku ataki dronaŭ adbyŭsia pažar na NPZ u Krasnadarskim krai2

Vybranyja talismany čempijanatu śvietu pa futbole2

bolš čytanych navin
bolš łajkanych navin

«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi3

«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić