U Kienii nie acanili chutki adlot Łukašenki, bo toj praihnaravaŭ dzień niezaležnaści krainy
Jak pišuć kienijskija miedyja, Łukašenka byŭ zaprošany na ŭračystuju cyrymoniju z nahody 60-hodździa Kienii, ale jon i niekalki afrykanskich lidaraŭ tak i nie źjavilisia na śviatkavańni, «čym vyklikali pytańni».
Chutki adlot Alaksandra Łukašenki z Kienii źbiantežyŭ miascovych dypłamataŭ, bo taho aficyjna zaprasili na ŭračystuju cyrymoniju z nahody 60-hodździa niezaležnaści Kienii, jakaja prajšła ŭ aŭtorak.
Pra heta napisali Kienijskaja televiaščalnaja karparacyja (Kenya Broadcasting Corporation, KBC) i kienijskaja hazieta Taifa Leo.
Pavodle KBC, Łukašenka razam ź niekatorymi afrykanskimi lidarami aficyjna byli ŭ śpisie haściej na śviatkavańnie jubilejnaha dnia niezaležnaści Kienii.
Ale ŭ vyniku, jak piša Taifa Leo, na ŭračystuju cyrymoniju asabista pryjšła tolki prezidentka Efiopii Sachle-Vork Zieŭde. Astatnija zaprošanyja afrykanskija lidary albo znachodzili pryčynu nie pryjści, albo nakiroŭvali na śviata svaich pradstaŭnikoŭ.
Łukašenka, u svaju čarhu, palacieŭ z krainy amal adrazu paśla sustrečy ź lidaram Kienii Uiljamam Ruta, pabyŭšy ŭ krainie mienš za try hadziny.
Jak adznačaje hazieta Taifa Leo, «rašeńnie lidaraŭ susiednich i zamiežnych krain nie prysutničać na nacyjanalnym śviacie Kienii ŭ pieršuju čarhu vyklikała pytańni ab staŭleńni hetych lidaraŭ da palityki kienijskaha ŭrada».
«Adzin z kienijskich dypłamataŭ padkreśliŭ, što finalnaje rašeńnie, iści ci nie, kaniešnie, zastajecca za tymi, chto byŭ zaprošany, adnak ich asabistaja prysutnaść rabiła b adnosiny pamiž imi i Kienijaj jašče bolš tryvałymi», — piša Taifa Leo.
U Biełarusi Alaksandra Łukašenki nie było z 29 listapada. Za hety čas, akramia Kienii, jon pabyvaŭ u Abjadnanych Arabskich Emiratach, Kitai i Ekvataryjalnaj Hviniei.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary