Biełaruski instytut navuki i mastactva ŭ supracy z vydaviectvam fondu «Kamunikat» vypuskaje hruntoŭny albom-daviednik «Kniha mohiłak. Biełaruskija pachavańni ŭ śviecie», stvorany siabrami Upravy BINiMu Natallaj Hardzijenka i Lavonam Jurevičam, paviedamlaje Bellit.info.
Na bolš čym 600 staronkach źmieščanyja kalarovyja vyjavy nadmahillaŭ i bijahramy pachavanych biełarusaŭ dy ŭradžencaŭ Biełarusi ŭ Aŭstralii, Bielhii, Vialikabrytanii, Hrecyi, Danii, ZŠA, Italii, Kanadzie, Niamieččynie, Francyi, Čechii, Čyli, Šviecyi. Hety dychtoŭny tom jość vynikam šmathadovaj źbiralnickaj pracy i padtrymki dziasiatkaŭ zacikaŭlenych biełarusaŭ z roznych krainaŭ. Kniha vychodzić u sieryi «Biblijateka Baćkaŭščyny».
Pavodle ŭkładalnikaŭ, kniha rychtavałasia piać hadoŭ, a materyjały da jaje pačali źbiracca jašče ŭ 1990-ja hady.
BINiM i aŭtary dziakujuć usim, chto dapamahaŭ źbirać infarmacyju, a taksama pryśviačajuć knihu pamiaci Vitaŭta Kipiela, jaki byŭ zachopleny idejaj jaje stvareńnia i asabista šmat hetamu paspryjaŭ.
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami5
Kamientary