Kolkaść samalotaŭ, što lotajuć praź biełaruskuju pavietranuju prastoru, skaraciłasia ŭ 10 razoŭ
U 2019 hodzie praz pavietranuju prastoru Biełarusi kožnyja sutki pralatała da 1300 samalotaŭ roznych avijakampanij, z tych časoŭ ich kolkaść skaraciłasia ŭ razy.
Bolš za dva z pałovaj hady paśla prymusovaj pasadki ŭ Minsku rejsa Ryanair Afiny — Vilnia z Ramanam Pratasievičam i Safijaj Sapiehaj na borcie, zachodnija avijakampanii lotajuć u abychod Biełarusi.
Asnoŭny trafik prynosiać rasijskija pieravozčyki, pierš za ŭsio «Aerafłot»: ciapier kolkaść rasijskich rejsaŭ u Biełaruś dasiahnuła rekordnych značeńniaŭ. Ale paśla raźviazanaj poŭnamaštabnaj vajny suprać Ukrainy, jany taksama nie lotajuć u Jeŭropu.
«Praź Biełaruś ździajśniajecca krychu bolš za 100 palotaŭ na sutki — 120-130. Ale heta ličba niepastajannaja. Siaredzina tydnia zaŭsiody prasiadaje, a ŭ vychadnyja dni i śviaty kolkaść rejsaŭ pavialičvajecca, u tym liku za košt čartarnych», — raspavioŭ «Sputniku» namieśnik načalnika Minskaha aeradromnaha dyśpietčarskaha centra Andrej Nalivajka.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary