«Kazachstan nie budzie ryzykavać». Čamu kazachi nie puskajuć da siabie «Boinhi» ź Biełarusi
Kazachstan nie ŭvodziŭ zabarony dla palotaŭ «Biełavija» ŭ cełym, ale ŭ dačynieńni da samalotaŭ marki «Boinh» nie choča ryzykavać, kab nie trapić pad druhasnyja sankcyi ZŠA. Pra heta zajaviŭ pasoł Kazachstana ŭ Biełarusi Jerłan Bajžanaŭ na pres-kanfierencyi ŭ Minsku.
«Kazachstan nie ŭvodziŭ zabaron i abmiežavańniaŭ na paloty «Biełavija».
Heta źviazana z sankcyjami, jakija byli pryviedzienyja ŭ dziejańnie ZŠA. Heta kraina — vytvorca hetych «Boinhaŭ». My, bieručy pad uvahu hetuju akaličnaść, naturalna, nie chočam ryzykavać i atrymać druhasnyja sankcyi ŭ dačynieńni da svajho parku «Boinhaŭ» i hetak dalej.
Zabaronaŭ dla «Biełavija» nie ŭvodziłasia, śviedčańniem čamu — ździajśnieńnie palotaŭ avijakampanii ŭ Astanu šeść razoŭ na tydzień. Pry hetym našy avijakampanii pazbaŭlenyja mahčymaści lotać u Biełaruś.
Tamu što hetyja abmiežavańni zakranuli i «Ejrbasy», i «Boinhi». A ŭ nas samalotny park składajecca ź ich. Našy avijakampanii nie mohuć atrymać strachoŭku na hetyja paloty i zabieśpiačeńnie ramontu», — skazaŭ kazachstanski dypłamat.
Pry hetym jon zapeŭniŭ, što čysta idejna Kazachstan vystupaje «suprać takich instrumientaŭ mižnarodnaha cisku, jak ekanamičnyja sankcyi». Ale stavić pad mahčymuju pahrozu samoha siabie dziela abarony intaresaŭ biełaruskaha režymu pry hetym taksama nie choča.
I navat toje, što niekatoryja inšyja krainy JEAES i SND zaniali ŭ hetym pytańni inšuju pazicyju, nie źjaŭlajecca dla kzaachaŭ pierakanaŭčym arhumientam.
«Mahčyma, hetyja partniory lubiać ryzykavać. Kazachstan nie budzie ryzykavać u hetym pytańni», — zajaviŭ Jerłan Bajžanaŭ.
Čytajcie taksama:
ZŠA praciahnuli sankcyi suprać «Biełavija»
«Čas latać na svaich». Parchomčyk zajaviŭ, što Biełaruś rychtujecca vypuskać svaje samaloty
U biełaruskim Mintransie raskazali, čamu nie kuplajuć rasijskich samalotaŭ
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4646
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie46
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary
S odnoj storony nie chotiat riskovať, a s druhoj honiat sankcionku v Rośsiju