Nadzieja Skardzina raskazała, jak ledź nie trapiła ŭ Šviejcaryi pad łavinu
Byłaja biełaruskaja bijatłanistka Nadzieja Skardzina raspaviała ŭ sacsietkach, jak ledź nie trapiła pad łavinu ŭ Šviejcaryi, piša «Kamsamolskaja praŭda».
Alimpijskaja čempijonka 2018 hoda adrazu paśla taho zaviaršyła prafiesijnuju spartyŭnuju karjeru, u žniŭni nastupnaha hoda vyjšła zamuž za šviejcarskaha bijatłanista Marcina Jehiera, a ŭvosień 2019 naradziła syna Daniłu. Para žyvie ŭ Šviejcaryi.
Nadzieja razam z mužam i ciapier 4-hadovym synam časta chodzić na łyžnyja špacyry ŭ hory. Daniła ŭpieršyniu staŭ na łyžy i kańki, kali jamu nie było navat troch hadoŭ.
Niadaŭna Nadzieja i Marcin, uziaŭšy z saboj Daniłu, adpravilisia na horny špacyr, i ŭsio było vydatna, pakul litaralna za niekalki sotniach mietraŭ ad ich zdaryŭsia zusim niečakany, imklivy i vielmi maštabny sychod łaviny.
Na ščaście, nichto nie paciarpieŭ, a maleńki Daniił byŭ vielmi ŭražany hetaj niezvyčajnaj pryrodnaj źjavaj.
Padpisčyki zakidali Nadzieju łajkami i pažadańniami dabra.
Nadzieja Skardzina była adnoj ź viadomych biełaruskich spartsmienak, jakaja aktyŭna padtrymała pratesty 2020 hoda. 29 kastryčnika 2020 hoda jana stała 1000-j padpisantkaj adkrytaha lista spartsmienaŭ za sumlennyja vybary. Taksama jana vykazvała salidarnaść z pratestoŭcami, sa źbitym bratam svajoj siabroŭki Darji Domračavaj i zvolnienaj čempijonkaj śvietu pa frystajle Alaksandraj Ramanoŭskaj. Kali pačałasia vajna va Ukrainie, Nadzieja vykazałasia za mir.
Piać hadoŭ najhučniejšamu biełaruskamu zołatu ŭ bijatłonie. Dzie ciapier tyja, chto jaho zdabyŭ
Niaŭdały biznesmien i trenier zbornaj. Čym zajmajucca ciapier byłyja biełaruskija zorki zimovych Alimpijadaŭ
«Nienavidžu vas»: bijatłanistka Nadzieja Skardzina emacyjna adreahavała na žorstkaje zatrymańnie brata Domračavaj
Kamientary