U kaściole ŭ Smarhoni vandał pabiŭ skulptury ŭ chramie i aŭtamabili śviataroŭ FOTY
U kaściole Śviatoha Michaiła ŭ Smarhoni siońnia nočču miascovy žychar raźbiŭ fihuru Maci Božaj, paškodziŭ skulpturu Michaiła Archanhieła, pabiŭ vokny, lusterki i kuzavy ŭ aŭtamabilach śviataroŭ, piša «Śvietły šlach». Mužčyna paŭtaraŭ, što katalickaj carkvie tut nie miesca.
Probašč kaścioła Śviatoha Michaiła Archanhieła Artur Lašnieŭski pračnuŭsia kala hadziny nočy ad hučnych krykaŭ i hrukaŭ u dźviery i vokny.
Nieviadomy mužčyna zładziŭ sapraŭdny deboš ź niecenzurnaj łajankaj i praklonami ŭ adras katalickich śviataroŭ. Jon staŭ nanosić udary ciažkim pradmietam pa mašynach śviataroŭ, a taksama dabraŭsia da śviatych pradmietaŭ: raźbiŭ fihuru Maci Božaj Biezzahannaha začaćcia, a taksama vyrvaŭ mietaličny kryž z ruk Michaiła Archanhieła — novaj skulptury, jakuju niekalki miesiacaŭ tamu nabyli za achviaravańni prychadžan.
Mužčyna paŭtaraŭ, što katalickaja carkva pavinna adsiul «prybiracca», i što joj tut nie miesca.
Ksiondz vyklikaŭ milicyju. Supracoŭniki pravaachoŭnych orhanaŭ zatrymali miascovaha žychara.
Jak piša vydańnie, niekalki miesiacaŭ tamu kaścioł taksama zaznaŭ napad: byli vykradzienyja hrošy z chrama i raźbita fihura Maci Božaj, jakaja znachodziłasia kala kryža.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary