U navahodniuju noč budzie adnosna kamfortna, a potym adrazu rezka pachaładaje
Prahnoz nadvorja na 31 śniežnia — 2 studzienia.
31 śniežnia nadvorje buduć vyznačać atmaśfiernyja franty i niaŭstojlivaja pavietranaja masa z Zachodniaj Jeŭropy.
Unačy ŭ mnohich rajonach projduć apadki, dniom pieravažna na paŭnočna-ŭschodniaj pałovie mokry śnieh, doždž. Na paŭnočnym uschodzie na asobnych učastkach daroh hałalodzica. Nočču -2..+4°S, maksimalnaja tempieratura dniom 0..+6°S. U Minsku ŭdzień čakajecca +2°S, uviečary budzie -1°S.
U pieršy dzień novaha hoda ŭ Biełaruś pasprabuje prarvacca chałodnaje nadvorje sa Skandynavii. Pachaładaje.
U navahodniuju noč miescami, dniom na bolšaj častcy terytoryi śnieh, mokry śnieh, doždž. Na darohach hałalodzica. Dniom miescami słabaja miacielica. Tempieratura pavietra na praciahu sutak 0..-7°S, nočču pa paŭnočnym uschodzie pry prajaśnieńniach da -10, u paŭdniova-zachodnich i paŭdniovych rajonach nočču +1..+2°S, dniom da +5°S. U Minsku ŭ navahodniuju noč -1°S i pakul biez apadkaŭ, udzień -3°S, śnieh, uviečary słupok termomietra apuścicca da -5°S.
2 studzienia pachaładaje pa ŭsioj Biełarusi. Na bolšaj častcy terytoryi krainy projdzie śnieh, mokry śnieh, pa poŭdni z daždžom, nočču miescami mocny śnieh, mokry śnieh. Hałalodzica. Tempieratura pavietra na praciahu sutak -5..-12°C, pa paŭnočnym uschodzie da -15°C. U Minsku pad viečar budzie da -11°S, a 3 studzienia ŭžo budzie -13°S.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary