Instytut miasa-małočnaj pramysłovaści Navukova-praktyčnaha centra NAN Biełarusi pa charčavańni raspracavaŭ śpiecyjalnyja sumiesi dla 3D-pryntara. Ź ich možna drukavać miasnyja stravy: naprykład, katlety i adbiŭnyja, piša OfficeLife.by sa spasyłkaj na «Sielskuju hazietu».
Pa słovach Iryny Kałtovič, zahadčycy siektara kompleksnych daśledavańniaŭ miasnych praduktaŭ, sumiesi składajucca z naturalnaj miasnoj syraviny. Heta śvinina, jałavičyna i miasa kuraniat brojleraŭ. Navukoŭcy nie vykarystoŭvajuć u technałohii vytvorčaści sumiesiaŭ charčovyja dabaŭki, kansiervanty, farbavalniki, stabilizatary i ŭzmacnialniki hustu i vodaru.
Dziakujučy naturalnamu składu, anałahaŭ biełaruskim sumiesiam u śviecie niama.
U 3D-pryntary možna zadać paramietry dyzajnu stravy, hust i kansistencyju. Pry hetym usie pakazčyki možna adaptavać pad indyvidualnyja fizijałahičnyja patreby luboha čałavieka.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary