U Estonii pytańnie ab pazbaŭleńni biełarusaŭ i rasijan vybarčych pravoŭ zajšło ŭ tupik
Suprać abmiežavańnia pravoŭ vystupajuć sacyjał-demakraty.
Palityčnyja dyskusii pra toje, ci varta pazbavić ludziej z rasijskim i biełaruskim hramadzianstvam prava hołasu na municypalnych vybarach u Estonii, zajšli ŭ tupik. Pa słovach ministra justycyi Kale Łaanieta, na praciahu apošniaha miesiaca kaalicyja hetaha pytańnia nie ŭzdymała, piša ERR.
U siaredzinie žniŭnia pad kiraŭnictvam ministra justycyi Kale Łaaneta była zavieršana praca nad eskizam zakonaprajekta, jaki abmiažoŭvaje prava hramadzian Rasii i Biełarusi na ŭdzieł u miascovych vybarach. Tady ministr ad Partyi reformaŭ taksama pavinien byŭ pradstavić jaho svaim partnioram pa kaalicyi.
Łaaniet paviedamiŭ, što kaalicyja dahetul nie prasunułasia ŭ hetym pytańni, bo sacyjał-demakraty vystupajuć suprać abmiežavańnia vybarčych pravoŭ.
Łaaniet taksama adznačyŭ, što hetyja alternatyvy pazbaŭleńniu vybarčych pravoŭ možna budzie abmiarkoŭvać tolki paśla taho, jak kaalicyja adnaznačna vyrašyć, što pazbaŭleńnie vybarčych pravoŭ zdymajecca z paradku dnia. Niahledziačy na patavuju situacyju, takoha rašeńnia, pa słovach ministra justycyi, na dadzieny momant niama.
Stanam na maj minułaha hoda, u Estonii pražyvali 69 000 rasijskich i biełaruskich hramadzian, jakich by zakranuła pazbaŭleńnie vybarčaha prava na municypalnych vybarach.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia1
Kamientary