Vaš znajomy źnianacku znoŭku zarehistravaŭsia ŭ telehramie? Vas mohuć čakać prablemy, kali jamu napišacie
Na inšym baku moža być hubazikaviec abo kedebist.
Ekśpiertam Media IQ stali viadomyja dva vypadki, kali niechta pierastvaryŭ akaŭnt dvuch biełarusaŭ zamiežža na ich starych biełaruskich numarach. Admietna, što ŭ ich byli aktyŭnyja sim-karty ŭ roŭminhu, za jakija jany płacili, a telehram-akaŭnty jany zahadzia pieranieśli na zamiežnyja numary.
Biełaruskija śpiecsłužby i raniej zachoplivali takim čynam telehram-akaŭnty biełarusaŭ šlacham dublavańnia sim-kartaŭ. Ale heta badaj pieršy vypadak, kali akaŭnty chutka atrymałasia viarnuć nazad praz sms — imavierna, siłaviki, jakija rehistravali akaŭnty, nie spraŭdzili, što numary jašče aktyŭnyja.
Vyjaviłasia, što značnaja častka znajomych nie pierapraviaraje, chto ź imi na suviazi z novastvoranaha akaŭnta i adrazu dasyłajuć na jaho pryvitańni. Adzin ź ludziej, jaki znachodzicca ŭ Biełarusi, navat nahadaŭ, što jany paznajomilisia padčas žnivieńskich pratestaŭ.
Tamu kali niechta z vašych kantaktaŭ raptam znoŭku rehistruje akaŭnt u telehramie, nie śpiašajciesia vitacca. Nie raspaviadajcie ničoha pra siabie, ale paprasicie čałavieka paćvierdzić svaju asobu. Abo napišycie znajomamu ŭ inšaj sacsietcy abo miesiendžary, abo, kali vaš akaŭnt dobra abaronieny, zapytajciesia, chto na suviazi i paprasicie jaho dasłać videapaviedamleńnie.
Ekśpierty taksama rajać ludziam, u jakich jość aktyŭny biełaruski numar, pry pieranosie telehrama na zamiežny numar pierastvarać akaŭnt na biełaruskim numary i adrazu ž uklučać u im dvuchfaktarnuju aŭtentyfikacyju. Tak možna ŭskładnić siłavikam machinacyi.
Kali ž čałaviek daŭno za miažoj, ale jahony biełaruski numar u vašych kantaktach znoŭku zarehistravaŭsia, to pierapraviarajcie dvojčy. I asabliva, kali jon aktyvist, žurnalist abo inšaja publičnaja asoba.
«Naša Niva» — bastyjon biełaruščyny
PADTRYMAĆ
Kamientary