Futbolny kłub dziela matča pralacieŭ amal 7 tysiač kiłamietraŭ. Kab prajhrać 0:12
Francuzski futbolny kłub «Lil» zdabyŭ najbujniejšuju pieramohu ŭ svajoj historyi, zabiŭšy ŭ adnym matčy 12 hałoŭ. U matčy 1/32 finału Kubka Francyi jon abyhraŭ kłub «Hołden Łajon» z Marciniki ź likam 12:0.
Cikava, što kłubu z Marciniki dziela ŭdziełu ŭ hetym matčy daviałosia pieraadoleć adlehłaść kala 6940 kiłamietraŭ.
«Hołden Łajon» hulaje ŭ čempijanacie Marciniki, zamorskaha departamienta Francyi. Kamandam z takich terytoryj dazvolena vystupać u Kubku Francyi.
Vostraŭ Marcinika, jaki składaje francuzski zamorski departamient Francyi, znachodzicca ŭ zachodniaj častcy Karybskaha mora. Ahulnaja jaho płošča — 1128 kvadratnych kiłamietraŭ, a kolkaść nasielnictva — kala 390 tysiač čałaviek.
Marcinika maje svaju ŭłasnuju futbolnuju zbornuju, jakaja, praŭda, nie ŭvachodzić u FIFA, ale z 1964 hoda źjaŭlajecca členam KANKAKAF — Kanfiederacyi futboła Paŭnočnaj i Centralnaj Amieryki i krain Karybskaha basiejnu.
I treba skazać, što hetaja zbornaja nie samaja słabaja ŭ svaim rehijonie, moža pachvalicca niekatorymi dasiahnieńniami. U Kubku Karybskich astravoŭ jana nieadnarazova zajmała vysokija i navat pryzavyja miescy (2-je ŭ 1994 hodzie, 3-je ŭ 1992-m, 1996-m i 2001-m, 4-je ŭ 2012-m i 2017-m). A ŭ 2002 hodzie zbornaja Marciniki prabiłasia ŭ 1/4 finału Załatoha kubka KANKAKAF.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary