Ikona z vyjavaj Stalina zjaviłasia ŭ hałoŭnym sabory Tbilisi Samieba. Videa z chrama apublikavaŭ historyk Hiorhi Kandełaki.
«Viernaj darohaj idziem, tavaryšy, jašče adzin pośpiech rasiejskaj prapahandy ŭ infarmacyjnaj vajnie. Inicyjatara źniščeńnia niezaležnaści Hruzii, zabojcu tysiač śviataroŭ i stvaralnika savieckaj tatalitarnaj sistemy raźmiaścili na ikonie ŭ Samieba», — napisaŭ jon.
Pra toje, jak daŭno vyjava zjaviłasia ŭ Samieba i pa čyjoj inicyjatyvie, nieviadoma. Kiraŭnik słužby pa suviaziach z hramadskaściu Patryjarchii Hruzii protaijerej Andryja Džahmaidze na hetyja pytańni vydańniu NEWSGEORGIA nie adkazaŭ.
«Užo nie pieršy raz śviata chočuć azmročyć skandałam, kab u sercach ludziej zamiest radaści pasiejać nianaviść», — skazaŭ Džahmaidze.
Z nahody vyjavy Stalina pradstaŭnik patryjarchii skazaŭ, što ŭ hetym niama ničoha asablivaha. Jon adznačyŭ, što heta abraz błažennaj Matrony, a nie Stalina. Akramia hetaha, jość precedenty, kali na abrazy traplajuć «vialikija hanicieli carkvy», naprykład, Dyjakletyjan, ale heta nie značyć ich usłaŭleńnie.
U Rasii abmierkavańni darečnaści ikony z vyjavaj Stalina pačalisia z 2008 hoda. Tady padobny abraz pad nazvaj «Błažennaja Matrona dabrasłaŭlaje Iosifa Stalina» zjaviŭsia ŭ chramie Śviatoj kniahini Volhi ŭ Sankt-Pieciarburhu. Na fonie krytyki ihumien Jaŭstafij (Žakaŭ) zabraŭ abraz da siabie dadomu. Paśla hetaha ŭ roznyja hady padobny siužet pieryjadyčna zjaŭlaŭsia ŭ roznych rasijskich chramach i kožny raz heta supravadžałasia burnymi sprečkami.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary