Прысуд дзетазабойцам са Слуцка пакінулі без зменаў. Бацьку расстраляюць
Канчатковы прысуд у адносінах да забойцаў 3-гадовага дзіцяці вынес сёння Вярхоўны суд, разгледзеўшы апеляцыйныя скаргі, пададзеныя фігурантамі крымінальнай справы і іх адвакатамі, піша «Мінская праўда».
Аляксандр Таратута так і не раскаяўся ў зробленым. Ён нават дрэнна памятаў, што напісаў у скарзе.
Нагадаем, Аляксандра Таратуту прысудзілі да расстрэлу, а Анастасію Таратуту асудзілі на 25 гадоў калоніі строгага рэжыму і лячэнне ад алкагалізму.
Суд прайшоў у кастрычніку. Аляксандра і Анастасію Таратутаў абвінавачвалі ў катаванні і забойстве з асаблівай жорсткасцю трохгадовага сына Сямёна. Крымінальную справу разглядаў Мінскі абласны суд на выязным пасяджэнні ў Слуцку.
Мужа і жонку судзілі паводле двух артыкулаў Крымінальнага кодэкса:
— ч. 2 арт. 154 (наўмыснае прычыненне працяглага болю, пакут спосабамі, якія выклікаюць асаблівыя фізічныя і псіхічныя пакуты, сістэматычнае нанясенне пабояў (катаванне), здзейсненае ў дачыненні да заведама непаўналетняга, асобы, якая знаходзіцца ў бездапаможным стане і ў залежным становішчы);
— п. 2, 6, 15 ч. 2 арт. 139 (наўмыснае супрацьпраўнае пазбаўленне жыцця іншага чалавека (забойства), заведама малалетняга, асобы, якая знаходзіцца ў бездапаможным стане, здзейсненае з асаблівай жорсткасцю, групай асоб).
Псіхолага-псіхіятрычная экспертыза прызнала абаіх адэкватнымі.
Бацька казаў, што маленькі Сямён раздражняў і яго, і ягоную жонку, бо «краў са стала і разбіваў талеркі». Ён паведаміў следчым, што «пачаў біць Сямёна, калі таму споўнілася два гады».
Некаторым сведкам, якія былі ў зале суда, станавілася блага ад убачанага.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары