Пра палітыка, асуджанага на 14 гадоў, нічога не вядома з лютага мінулага года.
Паводле інфармацыі ад удзельнікаў Плана Перамога, палітвязень Мікола Статкевіч, які адбывае пакаранне ў ПК-13 Глыбокага, зараз знаходзіцца ў ПКТ (памяшканне камернага тыпу), піша «Байпол».
Статкевіча затрымалі 31 мая 2020 года за два месяцы да прэзідэнцкіх выбараў і праз паўтара года асудзілі на 14 гадоў калоніі. Пакаранне адбывае ў калоніі ў Глыбокім.
Адміністрацыяй калоніі Мікола Статкевіч летась неаднаразова падвяргаўся дысцыплінарным спагнанням, акрамя таго на яго сабраны матэрыял для завядзення ў дачыненні да яго крымінальнай справы па арт. 411 КК Беларусі («злоснае непадпарадкаванне патрабаванням адміністрацыі»).
Прызначаючы пакаранне па сукупнасці прысудаў з улікам арт. 411 КК, суды да папярэдняга тэрміну пакарання дадаюць, як мінімум, шэсць месяцаў пазбаўлення волі.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары