«Nijakaha cisku ad partnioraŭ adnosna spynieńnia našaj abarony niama» — Zialenski ŭ Vilni
Prezident Ukrainy Uładzimir Zialenski ŭ zajavie dla ŚMI pa vynikach pieramoŭ z prezidentam Litvy Hitanasam Naŭsiedam u Vilni vykazaŭ upeŭnienaść, što partniory Ukrainy pakul nie hatovyja patrabavać ad Kijeva zamarozić vajnu z Rasijaj. Taksama jany pavinny ŭličvać, što Uładzimir Pucin nie źbirajecca spyniacca na dasiahnutym i zhortvać bajavyja dziejańni, piša «Ukrainskaja praŭda».
«Nijakaha cisku ad partnioraŭ niama adnosna spynieńnia našaj abarony… Cisku adnosna zamarožanaha kanfliktu niama. Pakul niama.
Jość roznyja hałasy, ja ŭ miedyja ich čuŭ, čytaŭ i viedaju. Jość roznyja hałasy i roznyja dyskusii. Ja dumaju, što partniory pakul aficyjna nie hatovyja davać nam adpaviednyja sihnały. Prynamsi, ja ich asabista nie čuŭ.
Mnie zdajecca, treba źviarnuć uvahu na rytoryku prezidenta Rasijskaj Fiederacyi.
Jon nie źbirajecca spyniacca. Jon choča nas całkam akupavać. I taja časam niaŭpeŭnienaść partnioraŭ u vyhladzie vyniku ŭ dačynieńni da finansavaj i vajskovaj dapamohi Ukrainie, chutkaj reakcyi — tolki dadaje advahi i sił Rasijskaj Fiederacyi. Tamu zaciahvać z hetym (akazańniem dapamohi) dakładna nie treba», — padkreśliŭ Zialenski.
Jon taksama zajaviŭ, što Uładzimir Pucin nie supakoicca, pakul nie razburyć Ukrainu. A Litva, Łatvija, Estonija i Małdova mohuć być nastupnymi, kali Ukraina nie vytrymaje.
«Jany (rasiejcy) užo pačali kazać pra Finlandyju, pra niezaležnaść Uźbiekistana… Jon (Pucin) nie skončyć heta ŭsio, pakul my ŭsie razam nie skončym jaho», — skazaŭ ukrainski prezident.
Čytajcie taksama:
Jak padčas vajny padarožničaje Zialenski, kali samalotam z Kijeva nie vyleciš?
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary