U kałonii ad pnieŭmanii pamior palitviazień Vadzim Chraśko, asudžany za danaty
U viciebskaj kałonii № 3 pamior 50-hadovy palitźniavoleny Vadzim Chraśko. U žniŭni 2023 hoda Minharsud pryznačyŭ jamu try hady źniavoleńnia za niekalki danataŭ, niahledziačy na toje, što mužčyna mieŭ surjoznaje zachvorvańnie.
Vadzim Chraśko byŭ zatrymany 15 krasavika 2023 hoda pavodle art. 361-2 Kryminalnaha kodeksa (finansavańnie ekstremisckaj dziejnaści). Pryčynaj zatrymańnia stali niekalki danataŭ. Da suda jaho źmiaścili pad vartu — u SIZA-1, piša «Viasna».
4 žniŭnia 2023 hoda sudździa Minskaha haradskoha suda Siarhiej Chrypač asudziŭ palitviaźnia da troch hadoŭ kałonii va ŭmovach ahulnaha režymu. Jon padaŭ apielacyjnuju skarhu.
13 kastryčnika sudovaja kalehija Viarchoŭnaha suda pad staršynstvam Alaksieja Ciaciuchina pakinuła prysud Vadzimu Chraśko ŭ sile. Mužčynie pryznačyli pazbaŭleńnie voli, niahledziačy na toje, što ŭ jaho było surjoznaje zachvorvańnie.
3 listapada MUS uniesła Vadzima Chraśko ŭ «śpis ekstremistaŭ».
Adbyvać termin Vadzima adpravili ŭ viciebskuju kałoniju № 3, dzie jon, pa padlikach pravaabaroncaŭ, prabyŭ kala dvuch miesiacaŭ.
Palitźniavoleny pamior u noč na 9 studzienia. Pavodle infarmacyi pravaabaroncaŭ «Viasny», Vadzim mieŭ šerah zachvorvańniaŭ i vielmi chvareŭ u źniavoleńni. Aficyjnaj pryčynaj śmierci stała pnieŭmanija. U balnicu jaho dastavili, kali ŭžo nielha było jaho vyratavać.
Aficyjnyja struktury nijak nie kamientujuć incydentu ŭ viciebskaj kałonii. 12 studzienia Vadzima Chraśko pachavali ŭ Minsku.
Heta čaćviortaja śmierć palitviaźnia za kratami (Vitold Ašurak, 21 maja 2021 hoda, Mikałaj Klimovič, 5 maja 2023 hoda, Aleś Puškin, 11 lipienia 2023 hoda, Vadzim Chraśko, 9 studzienia 2024 hoda).
-
Ad zvyčajnych piensijanieraŭ da bahaciejaŭ: chto i jak hulaje ŭ minskich kazino
-
«Situacyja jak na akupavanych terytoryjach Ukrainy». Pavieł Barkoŭski — pra stan biełaruskaj kultury
-
Zabrali baćkoŭskija pravy ŭ ciažarnaj žančyny ź Minska, čyja starejšaja dačka dvojčy sprabavała skončyć žyćcio samahubstvam
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary