Samazaniatyja pačali atrymlivać listy pra zaličeńnie ŭ darmajedy. Jak takoje mahčyma?
Niekatoryja płacielščyki padatku na prafiesijnuju dziejnaść pačali atrymlivać «listy ščaścia» ź infarmacyjaj, što jany źjaŭlajucca darmajedami. Heta aznačaje, što im daviadziecca płacić za kamunalnyja pasłuhi ŭ poŭnym pamiery. Tłumačym, u čym pryčyna.
Z 1 studzienia 2023 hoda ŭ Biełarusi była ŭviedziena novaja sistema padatkaabkładańnia dla fizičnych asob, jakija ažyćciaŭlajuć dziejnaść indyvidualna — padatak na prafiesijny dachod (PPD).
Dla taho, kab stać płacielščykam PPD, dastatkova spampavać śpiecyjalny dadatak i zarehistravacca ŭ im. Ale adnoj rehistracyi nie dastatkova, kab nie ličycca darmajedam.
Płacielščykami hetaha padatku stali i tyja, chto raniej płaciŭ ramiesny zbor. Pieršyja 60 tysiač dachodu ŭ hod abkładajucca padatkam u 10%, paśla — 20%. Aproč hetaha dla pieršych 2000 rubloŭ dachodu vykarystoŭvajecca lhota i hetaja suma padatkam nie abkładajecca.
Lhotnyja 2000 rubloŭ dachodu ŭ niejkim sensie akazalisia «pastkaj» dla niekatorych płacielščykaŭ PPD.
Pakolki dachod da 2000 rubloŭ padatkam nie abkładajecca, takija ludzi nie płaciać padatak, a značyć nie ličacca zaniatymi ŭ ekanomicy. Heta ŭ svaju čarhu aznačaje, što čałaviek traplaje ŭ bazu «darmajedaŭ» z usimi nastupstvami.
«Našaj Nivie» viadoma niekalki vypadkaŭ, kali ludzi, jakija raniej płacili ramiesny zbor, a paśla pierajšli ŭ lik płacielščykaŭ PPD, pa fakcie takimi nie stali, bo pakazali dachod mienšy za 2000 rubloŭ. Im dasłali «listy ščaścia».
U bazu darmajedaŭ traplajuć asoby, jakija nie pracavali bolš za 183 dni za biahučy hod i nie byli zadziejničanyja ŭ ekanomicy krainy.
Čytajcie taksama:
Pucin hanarycca, što ekanomika Rasii stała pieršaj u Jeŭropie. Ale ci tak heta?
«Za 7 hadoŭ zarobak vyras amal udvaja». Kolki zarablajuć biełaruskija kiroŭcy ŭ Jeŭropie
Kamientary