Самазанятыя пачалі атрымліваць лісты пра залічэнне ў дармаеды. Як такое магчыма?
Некаторыя плацельшчыкі падатку на прафесійную дзейнасць пачалі атрымліваць «лісты шчасця» з інфармацыяй, што яны з'яўляюцца дармаедамі. Гэта азначае, што ім давядзецца плаціць за камунальныя паслугі ў поўным памеры. Тлумачым, у чым прычына.
З 1 студзеня 2023 года ў Беларусі была ўведзена новая сістэма падаткаабкладання для фізічных асоб, якія ажыццяўляюць дзейнасць індывідуальна — падатак на прафесійны даход (ППД).
Для таго, каб стаць плацельшчыкам ППД, дастаткова спампаваць спецыяльны дадатак і зарэгістравацца ў ім. Але адной рэгістрацыі не дастаткова, каб не лічыцца дармаедам.
Плацельшчыкамі гэтага падатку сталі і тыя, хто раней плаціў рамесны збор. Першыя 60 тысяч даходу ў год абкладаюцца падаткам у 10%, пасля — 20%. Апроч гэтага для першых 2000 рублёў даходу выкарыстоўваецца льгота і гэтая сума падаткам не абкладаецца.
Льготныя 2000 рублёў даходу ў нейкім сэнсе аказаліся «пасткай» для некаторых плацельшчыкаў ППД.
Паколькі даход да 2000 рублёў падаткам не абкладаецца, такія людзі не плацяць падатак, а значыць не лічацца занятымі ў эканоміцы. Гэта ў сваю чаргу азначае, што чалавек трапляе ў базу «дармаедаў» з усімі наступствамі.
«Нашай Ніве» вядома некалькі выпадкаў, калі людзі, якія раней плацілі рамесны збор, а пасля перайшлі ў лік плацельшчыкаў ППД, па факце такімі не сталі, бо паказалі даход меншы за 2000 рублёў. Ім даслалі «лісты шчасця».
У базу дармаедаў трапляюць асобы, якія не працавалі больш за 183 дні за бягучы год і не былі задзейнічаныя ў эканоміцы краіны.
Чытайце таксама:
Пуцін ганарыцца, што эканоміка Расіі стала першай у Еўропе. Але ці так гэта?
«За 7 гадоў заробак вырас амаль удвая». Колькі зарабляюць беларускія кіроўцы ў Еўропе
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары