Stała viadoma, chto raźbiŭsia na biznes-džecie ŭ harach Afhanistana
Pasažyrami na borcie Falcon, jaki źnik u harach Afhanistana, byli muž i žonka Hanna i Anatol Jeŭsiukovy — pradprymalniki z Vałhadonska. Žančynu na aparacie ŠVŁ vieźli z Tajłanda na ekstrannuju špitalizacyju.
Muž z žonkaj prylacieli na adpačynak u Tajłand 15 śniežnia zvyčajnym rejsam, piša «Baza». Ź imi byŭ syn Vital. Praz paru dzion Hańnie stała drenna. Jaje pakłali ŭ balnicu i vyjavili niejkuju infiekcyju.
Žančynu padklučyli da aparata ŠVŁ. Mužu tajskija daktary parekamiendavali vieźci žonku ŭ Rasiju.
Siamja zamoviła pryvatny bort. Džet z Anatolem i jaho žonkaj vylecieŭ z Tajłanda 20 studzienia. U Indyi ździejśnili dazapraŭku. Dalej jany pavinny byli dazapravicca ŭ Taškiencie i lacieć u Maskvu.
Adnak nad Afhanistanam piłoty paviedamili ab prablemie z ruchavikom i z palivam. Bort upaŭ u harach.
Syn Vital vylecieŭ z Tajłanda zvyčajnym rejsam. Pavodle źviestak «Bazy», jon užo prylacieŭ u Rasiju, dzie daviedaŭsia pra hibiel baćkoŭ.
Taksama na borcie, papiarednie, było čaćviora rasijan — členaŭ ekipažu.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary
A kali vy jaje padchapili, to lepš lačyciesia tutaka: u tym ža Taje, V́jetnamie miedycyna na vysokim uzroŭni (u bujnych haradach tak dakładna). Prosta abaviazkova musić być dobraja strachoŭka plus limit na kredzitkie pabolejšy.