Sietku supiermarkietaŭ brenda płanujuć transfarmavać.
U 2018 h. polskaja kampanija CDRL nabyła 90% sietki, 10% zastałosia ŭ zasnavalnika prajekta Siarhieja Misiačenka. U kastryčniku 2023 h. CDRL paviedamiła pra stratu kantrolu nad daččynym biełaruskim pradpryjemstvam «DPM» na fonie ahulnaj palityka-ekanamičnaj situacyi ŭ Biełarusi. Da taho momantu sietka «Buślik» skaraciłasia da 28 handlovych abjektaŭ. Ciapier ich zastałosia jašče ŭ 2 razy mienš, paviedamlaje ilex.by.
Kiraŭnictva «Buślika» źviartałasia ŭ Mienharvykankam z zajavaj ab papiaredžańni bankructva. Biełaruskaja kampanija prapanavała šerah mier pa narmalizacyi finansavaha stanu. Siarod ich — arendnyja vakacyi, pierahlad umoŭ kredytnaj linii, pavieličeńnie handlovaj nacenki.
— My viadziem pracu pa transfarmacyi hetaj sietki ź jaje biełaruskim ułaśnikam. Jość žadańnie zachavać nacyjanalny brend «Buślik», napoŭnić kramy biełaruskim dziciačym adzieńniem, svaimi tavarami, — prakamientavaŭ Bahdanaŭ.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary