Top moŭnych dadatkaŭ, jakija zrobiać praces vyvučeńnia efiektyŭnym i zachaplalnym

Preply

Dadatak dla pošuku repietytaraŭ anhlijskaj značna palehčyć žyćcio: abrać vykładčyka dapamoža rejtynh i vodhuki, a śpiecyjalista tut možna znajści na luby kašalok.
Kab pierakanacca, što nastaŭnik vam padychodzić, raspracoŭniki prapanujuć skarystacca biaspłatnym probnym zaniatkam. A kali pieršy płatny ŭrok nie zadavolić vašyja čakańni, Preply viernie hrošy ci biaspłatna zamienić repietytara.

Indyvidualnyja zaniatki z repietytaram kaštujuć ad 5 da 25 dalaraŭ u zaležnaści ad dośviedu i rejtynhu kankretnaha nastaŭnika.

Vyvučeńnie moŭ praz Preply prachodzić anłajn u asabistym kabiniecie, dzie taksama možna vykonvać chatniuju pracu i dadatkovyja testy. 

Memrise

Adzin z samych papularnych dadatkaŭ dazvolić asvoić hramatyku i palepšyć vymaŭleńnie. Dla hetaha vučni mohuć vykarystoŭvać šyroki śpiektr instrumientaŭ: naprykład, videa z nośbitami, testy i aŭdziravańnie. Adsočvać prahres dapamohuć kvietki, jakija rastuć pa miery taho, jak vy ŭzajemadziejničajecie z novymi frazami.

Bazavaja viersija Memrise biaspłatnaja, adnak z płatnaj padpiskaj adkryvajecca dostup da niekatorych ekskluziŭnych funkcyj.

HiNative

HiNative — sapraŭdnaja supolnaść ludziej, ulubionych u vyvučeńnie moŭ. Fiška dadatka — mahčymaść razmaŭlać z nośbitami: im možna zadavać pytańni ci prasić prakamientavać svajo vymaŭleńnie. «Nejtyvy» adkažuć aŭdyjozapisam ci ŭ piśmovych vodhukach.

U hetaj aplikacyi jość niesumnieŭnyja plusy ŭ paraŭnańni ź inšymi padobnymi prahramami. Na siońnia jana padtrymlivaje bolš za 120 moŭ i vałodaje funkcyjaj pošuku pa raniej zadadzienych pytańniach.

Pavialičyć

Pazajomicca z nośbitami movy možna ŭ biaspłatnaj bazavaj viersii. Za dadatkovyja «pluški» daviadziecca zapłacić.

Lola Speak

Dadatak dla tych, chto choča zahavaryć na anhlijskaj, ale nijak nie moža pačać. Lola Speak prapanuje akunucca ŭ dapoŭnienuju realnaść i paŭdzielničać u zahadzia zapisanych dyjałohach. Pravilnaść vymaŭleńnia pravieryć štučny intelekt i, u vypadku, kali jon zaŭvažyć u vas pamyłku, prapanuje zrabić śpiecyjalnyja praktykavańni.

Dla znajomstva z Lola Speak dajecca biaspłatny testavy tydzień. Paśla karystańnie abydziecca ŭ 10 dalaraŭ u miesiac.

Drops

Drops dapamahaje vučyć słovy i hutarkovyja frazy šlacham prasłuchoŭvańnia aŭdyjozapisaŭ i vykanańnia nievialikich kvizaŭ. Dziakujučy zručnamu interfiejsu, dadatak dazvalaje lohka i efiektyŭna pašyrać svoj leksikon. Prahrama padtrymlivaje 45 moŭ.

Pavialičyć

Mondly

Nadakučyli sumnyja ŭroki? Tady vučy movu praz hiejmifikavanyja ŭroki. U Mondly možna prachodzić testy-hulni, šukać pravilnyja adkazy ci razmaŭlać ź inšymi karystalnikami ŭ čat-botie.

Aplikacyja padtrymlivaje 33 movy, maje biaspłatnuju viersiju i dazvalaje adsočvać prahres. Zrešty, jość niuans: Mondly vydatna padydzie dla pačatkoŭcaŭ, a voś prasunutym lihvistam tut budzie sumnavata.

Duolingo

Viadomy dadatak aktyŭny dla 35 moŭ. Jon dazvalaje vučyć słovy praź cikavyja aktyŭnaści, pravodzić pracu nad pamyłkami i vypraŭlać vymaŭleńnie.

Asnoŭnaja razynačka Duolingo — praca z matyvacyjaj karystalnikaŭ. Tak, u kožnaha vučnia jość rejtynh, jaki zharaje, kali toj prapuskaje zaniatki. Akramia hetaha, aplikacyja rassyłaje napaminki, jakija dapamohuć nie zabycca pazajmacca.

• 19
• 0
• 0
• 3
• 1
• 0
• 1
• 0